Futbol internazzjonali
Disfatta Italja: Ventura jikkunsidra li jitlob kumpens finanzjarju jekk jirriżenja

Il-Media taljana matul il-ġurnata tat-Tlieta rraportat li wara l-logħba Italja – Żvezja il-President tal-FIGC Carlo Tavecchio iltaqa’ mal-kowċ Gian Piero Venura fl-istess lukanda li kienu aloġjati l-players f’Milan. Jidher li fil-laqgħa li saret tard bil-lejl Gian Piero Ventura ma offriex ir-riżenja tiegħu. Minkejja dan hu rrepeta dak li kien qal fil-konferenza stampa ta’ wara l-logħba li jiddispjaċiħ b’dak li ġara u bir-riżultat iżda mhux dispjaċut bl-impenn tal-players għaliex fi kliemu dawn taw il-massimu tagħhom.

Intant matul il-ġurnata tal-Erbgħa f’Ruma Tavecchio mistenni jlaqqa’ l-ogħla uffiċjali tal-federazjoni taljana sabiex jittieħdu ċerti deċiżjonijiet fosthom is-sitwazzjoni tal-kowċ. Sezzjoni tal-media rraportat li Ventura li kien ingaġġat f’Lulju 2016 mistenni saħansitra jitlob li jintlaħaq ftehim finanzjarju forma ta’ kumpens meta jirriżenja, hu qed jisemma li jista’ jitlob ftit iktar minn 700,000 ewro. Il-kuntratt tiegħu jiskadi f’Lulju tas-sena d-dieħla.

Il-kritika tal-media taljana u tal-poplu taljan mhiex indirizzata biss lejn il-players u lejn il-kowċ iżda anke lejn Tavecchio li jinsab taħt akkużi kbar fosthom akkużi ta’ inkompetenza.

Fi żvilupp ieħor diġa’ bdew jisemmew l-ismijiet tas-suċċessuri ta’ Gian Piero Ventura, fuq quddiem nett favorit sa issa anke mill-polls ta’ siti taljani elettroniċi fosthom il-Gazzetta dello Sport huwa Carlo Ancelotti. Ikun min ikun il-kowċ il-ġdid tat-team nazzjonali taljan se jkollu biċċa xogħol iebsa hekk kif se jipprova jgħolli l-moral mhux biss tal-players iżda ta’ nazzjon sħiħ, moral li jinsab taħt l-art jekk mhux iktar ‘l isfel.

Miktub minn...
Sandro Micallef
Ġurnalist ta' TVM Sport. Isegwi l-Isport lokali u internazzjonali. Jippreżenta l-programm Sports Panorama.
Aħbarijiet Oħra
Futbol internazzjonali

Jose Mourinho, il-Manager ta’ Manchester United, tkeċċa mill-kariga tiegħu ftit tal-minuti ilu. L-aħbar bdiet tidher fis-siti kollha sportivi madwar l-Ewropa, b’mod speċjali fl-Ingilterra. Stqarrija tal-klabb tgħid li “Manchester United jirringrazzjaw…

Futbol internazzjonali

Gowl wara biss minuta tal-plejer Zapata ddeċieda l-konfront favur Atalanta, meta huma laqgħu lil-Lazio f’darhom u rebħulhom bl-iskor ta’ 1-0. B’din ir-rebħa, l-istess Atalanta telgħu punt biss taħt Lazio fil-klassifika,…

Futbol internazzjonali

UEFA Europa League Il-Poloz tar-round tat-32 irriżultaw hekk: Viktoria Plzeň  v Dinamo Zagreb Club Brugge v Salzburg Rapid Wien  v Inter Slavia Praha  v Genk Krasnodar  v Leverkusen Zürich v…

Futbol internazzjonali

Għal ħabta tas-13.00, telgħu wkoll il-poloz tal-UEFA Europa League fejn din is-sena jidher li se tkun waħda interessanti ħafna. Fost il-ħafna timijiet ta’ interess hemm Chelsea u Arsenal mill-Ingilterra u…

Aktar