Futbol internazzjonali
Doppjetta tal-‘El Matador’.. Cavani jpoġġi lill-Urugwaj fil-KF.. Portugall barra

Tazza tad-Dinja
Fażi l-aħħar Sittax
Urugwaj ……. 2
Portugall …… 1

Franza kontra Urugwaj fil-Kwarti Finali nhar il-ġimgħa fl-erbgħa ta’ wara nofsinhar.

L-Urugwaj eliminaw liċ-Champions renjanti tal-Ewropa l-Portugall meta għelbuhom bl-iskor ta’ 2-1 sad-disgħin minuta.

Urugwaj fil-vantaġġ fis-seba’ minuta meta kross preċiż minn fuq ix-xellug ta’ Luis Suarez, ballun fuq Edinson Cavani li bir-ras għeleb lill-goalkeeper Rui Patricio.

Tnejn u għoxrin minuta Urugwaj mill-ġdid perikolużi bi freekick ta’ Luis Suarez din id-darba l-goalkeeper li għadu kemm ingħaqad ma’ Wolves fil-Premier League fl-Ingilterra kien attent u salva tajjeb.

Ħamsa u ħamsin minuta d-draw għall-Portugal meta minn kross ta’ Raphael Guerreiro minn fuq ix-xellug, għola fuq kulħadd Pepe u bi ġmiel ta’ daqqa ta’ ras id-difensur ta’ Besiktas fit-Turkija għamel l-iskor indaqs 1-1.

Għaddew seba’ minuti mid-draw Portugiż meta minn ballun il-quddiem ta’ Nahitan Nandez, reġa kien elmatador li ma’ ħasibix darbtejn, vantaġġ mill-ġdid għall-Urugwaj, għal darb’oħra Edinson Cavani li b’xutt bid-dawra u Rui Patrcio megħlub għat-tieni darba.

Sebgħin minuta Portugall viċin Muslera nċert fil-ħarġa tiegħu, iżda l-attakkant ta’ Manchester City Bernardo Silva minn qagħda tajba kkonkluda għoli.

Riżultat finali s-Sibt filgħaxija f’Sochi mill-fażi tal-aħħar Sittax, Urugwaj tnejn, Portugall wieħed.

Miktub minn...
Rodney Vassallo
Aħbarijiet Oħra
Futbol internazzjonali

Illejla ssir edizzjoni oħra tal-FIFA Football Awards li se tippremja l-aħjar player tal-istaġun 2017/18. Is-serata tal-lejla tibda fit-8.30pm qed tiġi mxandra diretta fuq TVM2. Cristiano Ronaldo, Luka Modric u Mohamed…

Futbol internazzjonali

Premier League Ingliż: Żewġ partiti interessanti li ntlagħbu llum: Fid-derby ta’ Londra, draw ta’ mingħajr gowls bejn West Ham u Chelsea f’partita li minkejja li t-tim ta’ Sarri kellu l-aktar…

Futbol internazzjonali

Gianni Infantino, President tal-FIFA, qal lill-kowċis minn madwar id-dinja kollha li l-VAR li ġiet introdotta fit-Tazza tad-Dinja li għaddiet se tibqa’ tintuża fil-kompetizzjonijiet futuri tal-FIFA fis-snin li ġejjin. Infantino kien…

Futbol internazzjonali

Kampjonat Taljan, Serie A: Erba’ partiti li ntlagħbu l-Ħadd wara nofsinhar mill-ħames ġurnata. Napoli ħadu rebħa tajba u importanti meta barra minn darhom għelbu lil Torino bi skor ta’ 3-1….

Aktar