Il-Captain ta’ Swieqi United FC Dorianne Theuma hija l-BOV Plejer tax-Xahar tan-nisa għal Jannar u Frar 2021.

Dorianne kienet l-ewwel rebbieħa ta’ dan l-unur meta dan ġie stabbilit fl-istaġun 2012/2013, u dawn l-unuri jirrappreżentaw l-10 u l-11-il xahar tagħha bħala l-plejer bl-aqwa prestazzjoni f’Malta.

Dorianne bdiet is-sena 2021 billi skorjat hat-trick u l-ewwel 3 gowls tat-tim tagħha fir-rebħa tagħhom ta’ 10-0 fuq Mosta u kompliet biex tiskorja fil-logħbiet ta’ Swieqi kontra Mtarfa, Mġarr u Għargħur fejn skurjat 7 gowls waqt li mexxiet lit-tim tagħha għal 4 rebħiet konsekuttivi.

Claudette Pace mid-dipartiment tal-PR u Marketing fil-Bank of Valletta ppreżentat lil Dorianne bit-trofej kommemorattivi għall-kisbiet tagħha matul dawn ix-xahrejn.