Futbol lokali
FILMAT Draw u punt kull wieħed għal Floriana u Hamrun Spartans

Kampjonat BOV Premier 2018/19

Floriana………………..1
Hamrun Spartans…..1

Kienu Floriana li ħolqu l-ewwel periklu wara 3 minuti logħob. Corner ta’ Pisani, daqqa ta’ ras ta’ Cesani li Bartolo dawwar tajjeb ħafna f’corner. Hamrun jirrispondi fis-7 minuta. Tulimieri javvanza, jibdel il-ballun ma’ Darmanin, xutt minn barra l-kaxxa ftit barra.

L-Ispartans reġgħu kienu perikolużi fis-26 minuta. Cross perfett ta’ Tulimieri, daqqa ta’ ras ta’ Darmanin, ballun li jmiss mal-mimduda u jispċċa barra. Hamrun ikomplu jkunu l-aħjar tim u fil-31 minuta Tulimieri jitfa’ cross tajjeb, ħarġa ħażina ta’ Akpan, Calil ikompli lejn Ciriaco bix-xutt ta’ dan imur ftit barra.

Tliet minuta wara, kontra x-xejra tal-logħob, Floriana jmorru fil-vantaġġ. F’kontrattakk veloċi, Oyama jaħrab lid-difiża Ħamruniża u minn qagħda kemmxejn angolata jfajjar xutt b’saħħtu li għeleb lil Bartolo. Floriana fil-vantaġġ. Fit-42 minuta, freekick ta’ Caruana għal Hamrun, Darmanin jogħla fuq kulħadd, daqqa ta’ ras, ballun mal-wieqfa u jgħaddi tul-linja kollha tal-gowl u ma jidħolx. It-tieni taqsima bdiet bil-Ħamruniżi jkomplu fejn ħallew fl-ewwel waħda. Fil-55 minuta, Domoraud għadda l-ballun lejn Tulimieri, il-ballun imdendel tiegħu, Akpan għal darb’oħra jdawwar f’corner.

Floriana ħolqu azzjoni perikoluħa fil-61 minuta. Kontrattakk veloċi, Cesani jagħti lil Agius, xutt tiegħu ftit barra.
Fis-77 minuta, cross ta’ Ciriaco, Akpan itajjar ħażin, Tulimieri minn qagħda tajba xutt mill-ewwel u Akpan jerġa’ jkun pront itajjar il-periklu.  Fil-81 minuta, Hamrun iġibu l-gowl tad-draw. Cross ta’ Tulimieri, daqqa ta’ ras perfetta ta’ Damoroud, ballun fir-rokna tax-xibka.

Referee: Mario Apap
BOV Plejer tal-Logħba:Arthur Henrique Oyama (Floriana)
Attendenza: 438 spettatur

Miktub minn...
TVM Sport
.
Aħbarijiet Oħra
Futbol lokali

Manuele Blasi, l-ex plejer tas-Serie u tat-tim nazzjonali Taljan, mil-lum sar il-kowċ ta’ Hamrun Spartans FC. Blasi se jkun qed jibdel lil Giovanni Tedesco li ħalla l-kariga tiegħu biex ingħaqad…

Futbol lokali

Brandon Cassar, Nickolas Paris u Mattia Calleja huma tliet plejers li jiffurmaw parti mill-iskwadra ta’ taħt it-13-il sena ta’ Fgura United F.C. u li għadhom kif esperjenzaw erbat ijiem taħriġ fi Siena, fl-akkademja…

Futbol lokali

Giovanni Tedesco, l-ex kowċ ta’ Hamrun Spartans FC, mil-lum sar kowċ ta’ Gżira United FC. Tedesco ffirma kuntratt ta’ tliet snin li se jorbtu mal-klabb tal-Maroons sal-istaġun 2021/2022. Fi stqarrija…

Futbol lokali

Il-Gozo Football Association temmet uffiċjalment l-istaġun tal-futbol 2018/2019 bl-avveniment anwali tal-GFA Awards 2018 / 2019, fejn l-assoċjazzjoni ħabbret u ppreżentat l-unuri individwali f’diversi kategoriji ta’ kompetizjonijiet tal-futbol Għawdxi.  L-unuri ewlenin…

Aktar