Oħrajn
Duathlon: Bongailas, Buttigieg jieħdu l-unuri fil-Eurosport Duathlon organizzata minn Agones SFC 

Il-ħames edizzjoni tas-Safi Duathlon, organizzata minn Agones SFC u sponsorjata minn Eurosport Malta, kienet l-ewwel avveniment multisport għall-istaġun tal-2018.

It-tellieqa nżammet f’Ħal-Safi, taħt l-awspiċji tal-Malta Triathlon Federation. Il-punti miksubin min din it-tellieqa kienu validi għal-premju Triathlete of the Year. It-tellieqa,   li kienet diżinjata fuq korsa ċatta, attirat sitta u erbgħin atleta, u kienet tikkonsisti f’ġirja ta’ 4.4 kilometri (2 dawriet), 18 kilometru bir-rota  (8 dawriet) u ġirja oħra ta’ 2.2km (dawra waħda). Minħabba li t-tellieqa kienet fuq sistema draft legal, kien hemm bidu separat għall-Irġiel u n-Nisa.

L-Għawdxi Michael Bongailas issiġilla l-ewwel rebħa tiegħu għall-istaġun meta spiċċa it-tellieqa f’ħin ta’ 55 minuta 47 sekonda. Wara l-ewwel ġirja kien Jesrit Angel Camilleri li rreġistra l-aħjar hin, segwit minn  Bongailas u Malcolm James Vassallo. Fit-taqsima tar-rota, iċ-Ċampjon Nazzjonali tat-Triathlon Graham Borg wera is-saħħa tiegħu f’din id-dixxiplina, meta naqqas id-distakk bejnu u bejn Bongailas u ġab l-aħjar ħin f’din it-taqsima.  Minkejja l-isforzi ta ‘Borg, Bongailas ta spinta determinata biex jegħleb Borg b’erba’ sekondi biss. Il-veteran Kevin Muscat daħal fit-tielet post.

“Il-preparazzjoni tiegħi kienet waħda tajba, kemm mil-lat fiżiku kif ukoll psikoloġiku.  Soddisfatt partikolarment bit-taqsima tar-rota u kuntent li spiċċajt b’ ġirja soda. Il-fatt li kont qed intellaq mal-aqwa triatleta f’Malta, ġagħlitni niġġieled iktar għal-ewwel post” – Michael Bongailas.

Il-Kategorija tan-Nisa rat lil Anjelika Ruggier tagħti prestazzjonijiet b’saħħita fit-taqsima tal-ġiri, fejn hi rreġistrat l-aħjar ħinijiet fost in-nisa. Madankollu, il-prestazzjoni tagħha fuq ir-rota ma kienitx tal-istess livell tal-ġirja u b’hekk spiċċat fir-raba post.  Wirja solida minn Lara Buttigieg fuq ir-rota rata tnaqqas id-distakk u tiggwadanja ħin prezzjuz li ppermettilha tirbaħ it-tellieqa. It-Tieni u t-Tielet post ittieħdu minn Dzintra Grech u Bronwyn Hunter, żewġ uċuh ġodda f’din ix-xena sportiva.

“Tellieqa iebsa, fejn kelli naħdem sew biex  innaqqas id-distakk wiegħsa li Anjelika Ruggier stabbilixxiet fl-ewwel ġirja.  Għalkemm naqqast id-distakk fl-ewwel tranżizzjoni, kelli kompetizzjoni qawwija minn Dzintra Grech li żammet viċin u rrispondiet tajjeb għall-attakki tiegħi. Kien biss f’dawn l-aħħar tliet dawriet li rnexxieli nwessa ‘d-distakk.  Nirringrazzja lil-organizzaturi Agones SFC u Elite Sports Triathlon Training Team għat-taħriġ u appoġġ matul is-sena “- Lara Buttigieg

Fl-aħħar tat-tellieqa saret preżentazzjoni tal-premjijiet lir-rebbieħa mis-Sur Carlo Stivala, Kunsillier fil-Kunsill Lokali ta’ Ħal-Safi u Johann Mifsud, Koordinatur Sportiv ta’Eurosport Malta.

L-impenn li jmiss ta ‘Agones SFC se jkun it-tieni tellieqa tal-Eurosport Malta Trail Running league li se ssir filgħaxija, il-Ġimgħa 16 ta’ Frar.

Miktub minn...
TVM Sport
Aħbarijiet Oħra
Oħrajn

L-iżfin tal-breakdance jista’ jsir parti mill-isport Olimpiku u se jidħol fis-seħħ mill-edizzjoni ta’ Pariġi 2024. L-organizzaturi kkonfermaw li l-breakdance hu fost erba’ sports oħra li l-organizzaturi se jkunu qed jipproponu…

Oħrajn

Tifla ta’ 10 snin se tkun waqfet rekord mondjali ġdid hekk kif mill-1 ta’ April li ġej se tibda titħarreġ il-logħba tal-GO bħala plejer professjonali. Il-logħba tal-GO hi board game…

Oħrajn

Laura Zeng, il-ġinnasta numru 1 tal-Istati Uniti, u r-rebbieħa ta’ ħames midalji tad-Deheb fil-Logħob Pan Am, ġiet sospiża sitt xhur minn kull attività sportiva wara li ttestjat pożittiva mill-USADA għal…

Oħrajn

Matias Perrone tal-Arġentina rebaħ it-Tazza tad-Dinja tal-footgolf li saret f’Marralesh, fil-Marokk, il-Ħadd li għadda. Perrone rebaħ lill-Ingliż Ben Clarke b’żewġ xuttijiet iktar biex temm fl-ewwel post. Perrone rebaħ it-titlu fuq…

Aktar