Futbol internazzjonali
Ebda oġezzjoni sabiex jitwaqqa’ San Siro biex isir l-iżvilupp ta’ Stadium ġdid

L-Awtorita’ responsabbli mill-kultura u l-konservazzjoni ta’ Milan ma sabet ebda oġezzjoni fl-applikazzjoni li resqu Inter FC u AC Milan sabiex iwaqqgħu l-Istadium eżistenti ta’ San Siro biex isir il-proġett ta’ bini ta’ Stadium ġdid.

L-Awtorita’ qalet li fiż-żona ma hemm ebda fdalijiet storiċi u allura t-twaqqiegħ jista’ jibda.

Inter u Milan bil-propjetarji tagħhom US fund Elliott u Suning rispettivament għandhom pjan li jinvestu fi Stadium modern bil-faċilitajiet kollha li jinkludu wkoll tisbiħ fiż-żona tal-madwar. Il-pjan hu li jkunu investiti ‘il fuq minn biljun ewro li jikludu wkoll kostruzzjoni ta’ diversi residenzi li se jkunu jistgħu jakkomodaw diversi familji.

 

Miktub minn...
TVM Sport
.