Futbol internazzjonali
EFL Cup: Chelsea fil-finali wara li għelbu lit-Tottenham Hotspur bil-penalties

Chelsea huma l-finalisti tal-EFL Cup fl-Ingilterra u wara r-rebħa tal-bieraħ filgħaxija, issa jiltaqgħu kontra l-holders renjanti Manchester City fil-finali. Is-semifinali tal-EFL Cup kellha x-xeħta tad-derby ta’ Londra, u Chelsea riedu jirkupraw gowl wara li fl-ewwel leg kienu ħarġu telliefa bl-iskor ta’ 1-0 f’Wembley Stadium. Il-blu ta’ Londra mal-ewwel fetħu tajjeb għaliex mas-27 minuta N’Golo Kante spara fix-xibka biex għamilhom 1-0. Fit-38 minuta Eden Hazard skorja t-tieni biex sa dak il-ħin l-aggegrate kien 2-1 favur it-tim ta’ Chelsea.

Tottenham wettqu reazzjoni fit-tieni taqsima u Fernandi Llorente naqqas id-distakk għal 2-1 fil-50 minuta u sad-90 minuta baqgħu bl-istess riżultat biex l-aggregate kien dak ta’ 2-2 u allura kellhom imorru l-penalties sabiex jiġi deċiż min ser jagħmilha għall-finali.

L-istorja tal-penalties kienet hekk:

Eriksen (TOT) – skorja
Willian (CHE) – skorja
Lamela (TOT) – skorja
Azpilicueta (CHE) – skorja
Dier (TOT) – falla
Jorginho (CHE) – skorja
Lucas Moura (TOT) – falla
David Luiz (CHE) – skorja

B’hekk Chelsea rebħu fl-għoti tal-penalties bl-iskor ta’ 4-2, għal riżultat finali ta’ 6-3 fi Stamford Bridge u aggregate ta’ 6-4 favur it-tim ta’ Maurizio Sarri.

Il-finali tal-EFL Cup bejn Manchester City u Chelsea tintlagħab nhar il-Ħadd 24 ta’ Frar 2019 f’Wembley Stadium.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Futbol internazzjonali

Wolves 1  Manchester United 1 Mill-Kampjonat Premier Ingliż, Wolves ħadu t-tieni draw minn daqstant logħbiet meta f’darhom ġew 1-1 ma’ Manchester United. Kienu r-Red Devils li marru fil-vantaġġ mas-27 minuta…

Futbol internazzjonali

Brescia ippreżentaw uffiċjalment lill-attakkant internazzjonali Taljan Mario Balotelli li se jkun qed jirritorna jilgħab fl-Italja wara nuqqas ta’ tliet snin. Fl-intervent tiegħu, il-plejer ta’ 29 sena qal li jinsab kalm…

Futbol internazzjonali

FUTBOL INTERNAZZJONALI Bayern Munich għadhom kemm akkwistaw b’self mingħand Barcelona lill-attakkant Brażiljan Philippe Coutinho. Hekk kif ġie ppreżentat lill-mezzi tax-xandir Ġermaniżi, Coutinho deher ferm ħerqan sabiex jibda din l-avventura ġdida….

Futbol internazzjonali

Il-kowċ ta’ Real Madrid Zinedine Zidane qal li Gareth Bale ser jibqa mal-Madrileni dan wara li huwa pproduċa wirja tajba sabiex Real għelbu lil Celta Vigo bl-iskor ta’ 3-1. Wara…

Aktar