Futbol internazzjonali
EFL Cup: Gabriel Jesus jiskorja 4 u s-City jserrħu rashom minn post fil-finali b’rebħa ta’ 9-0 fl-ewwel leg

Manchester City diġa’ għamlu ċert minn post fil-finali tal-EFL Cup meta fl-ewwel leg tas-semifinali fl-Etihad Stadium huma taw tkaxkira lit-tim ta’ Burton Albion meta rebħulhom bl-iskor kbir ta’ 9-0. Is-City ma damux biex fetħu l-iskor, għaliex wara biss 5 minuti De Bruyne sab ix-xibka biex għamilhom 1-0. Gabriel Jesus niżżel ismu darbtejn fuq il-lista tal-iskorers f’temp t’4 minuti meta l-ewwel fit-30 imbagħad fl-34 minuta tefa’ l-ballun fix-xibka biex sa dak il-ħin ir-riżultat parzjali kien 3-0. Fis-37 minuta Zinchenko skorja r-raba’ biex sa tmiem l-ewwel taqsima Manchester City diġa’ kellhom vantaġġ komdu t’4-0.

Ix-xalata u goleada ta’ Manchester City baqgħet għaddejja fit-tieni taqsima, b’Gabriel Jesus jiskorja l-hat-trick fis-57 minuta, sakemm iż-żagħżugħ Foden ukoll sab ix-xibka biex għamilhom 6-0. Għal Gabriel Jesus kien fadal gowl wieħed biex b’hekk skorja r-raba’ għalih personali u s-seba’ wieħed għas-City fil-65 minuta, bid-difensur Walker jagħmilhom 8-0 fis-70 minuta. Riyad Mahrez kien l-aħħar plejer li sab ix-xibka meta fit-83 mintua skorja d-disa’ gowl għal Manchester City biex issa fit-tieni leg Pep Guardiola jista’ litteralment jilgħab b’tim totalment differenti għaliex diġa’ rasu mistrieħa li ser jilgħab fil-finali ta’ din il-kompetizzjoni

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Futbol internazzjonali

GRUPP Ċ Ġappun 0  Ċili 4 Iċ-Ċili fetħu l-impenji tagħhom fil-Copa America bl-aħjar mod possibbli meta fl-ewwel logħba minn Grupp Ċ huma għelbu lill-Ġappun bl-iskor ta’ 4-0. Pulgar fetaħ l-iskor…

Futbol internazzjonali

Serbja U21 0 Awstrija U21 2 Mill-ewwel logħbiet fi Grupp B, l-Awstrija għelbu lis-Serbja bl-iskor ta’ 2-0. Il-gowls waslu minn Wolf fl-ewwel taqsima u Horvath fit-tieni waħda, b’Jovanovic jitkeċċa għas-Serbi…

Futbol internazzjonali

Niġerja 0 Franza 1 Franza għaddew bil-punti massimi minn Grupp A meta fl-aħħar logħba tal-grupp għelbu lin-Niġerja bl-iskor ta’ 1-0. In-Niġerjani kienu ta’ sfida denja għall-avversarji u sakemm kienu bi…

Tazza tad-Dinja tan-Nisa

Il-Ġermanja u Spanja għaddew għar-Round tas-16 tat-Tazza tad-Dinja tal-FIFA tan-Nisa,  waqt li ċ-Ċina jistennew ikunux fost it-timijiet l-aħjar ikklassifikati fit-tielet post, wara li llejla ntemm il-logħob ta’ Grupp B fil-fażi…

Aktar