Futbol internazzjonali
EFL Cup: Tottenham H. jirbħu l-ewwel leg tas-semifinali bit-teknoloġija tal-VAR xejn ma tinżel tajjeb maż-żewġ maniġers

F’Wembley Stadium, Tottenham Hotspur rebħu l-ewwel leg tas-semifinali tal-Carabao Cup meta għelbu lit-tim ta’ Chelsea bl-iskor ta’ 1-0. Il-gowl wasal minn penalty ta’ Harry Kane fis-27 minuta wara li ttieħdet deċiżjoni bil-VAR li qiegħda tintuża’ bi prova f’din il-fażi tal-kompetizzjoni.

Għalkemm l-Ispurs approfittaw mill-użu ta’ din is-sistema, il-maniġer Mauricio Pochettino qal li għalkemm l-użu tat-teknoloġija fil-logħba tal-futbol huwa tajjeb, biss il-VAR qiegħda toqtol l-emozzjonijiet fil-logħba, għaliex biex ingħataw penalty damu l-isbaħ ħames minuti jistennew.

Fuq in-naħa l-oħra, il-maniġer ta’ Chelsea Maurizio Sarri qal li bħala nazzjon, l-Ingilterra għadha mhijiex lesta għall-introduzzjoni tal-VAR u dan ċar minn dak li ġara waqt il-logħba, għaliex qabel l-azzjoni tal-penalty, l-istess Kane kien f’pożizzjoni t’offside, tant li l-assistent uffiċjal waqaf jiġri u d-difensuri ta’ Chelsea ħasbu li l-logħob ser jieqaf għal offside.

Illum Manchester City jilagħbu kontra Burton Albion fid-20:45 fl-Etihad Stadium, filwaqt li t-tieni leg ta’ dawn is-semifinali jintlagħab fit-22 ta’ Jannar.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Futbol internazzjonali

It-tim ta’ Barcelona ħabbru li ffirmaw lil Kevin-Prince Boateng mingħand it-tim ta’ Sassuolo. Għalissa t-tim Katalan ħa lill-plejer Boateng b’self sa tmiem l-istaġun, imma jistgħu jagħmlu t-trasferiment permanenti għal €8…

Futbol internazzjonali

Fil-logħba li biha ngħalqet l-20 ġurnata tas-Serie A fl-Italja, Juventus ħarġu rebbieħa bl-iskor ta’ 3-0, biex b’hekk s’issa huma rebħu 18-il logħba u ġew dro tnejn f’dan l-istaġun. It-tim t’Allegri…

Futbol internazzjonali

Fil-partita li ntlagħbet iktar kmieni, Milan barra minn darhom għelbu lil Genoa bi skor ta’ 2-0. Borini fetaħ l-iskor fit-72 minuta u Suso rdoppja fit-83 minuta. Illejla, fit-20.30, Juventus jilqgħu…

Futbol internazzjonali

Il-logħba tal-bieraħ filgħaxija bejn Napoli u Lazio ma kienet xejn feliċi għall-plejer Francesco Acerbi, għax mhux talli t-tim tiegħu kien fuq in-naħa telliefa, imma hu spiċċa mkeċċi fl-aħħar 20 minuta…

Aktar