Futbol lokali
Eku tal-inċident tas-Sibt li għadda – l-MFRA b’direttivi ebsin

Ġurnata wara dak li seħħ fil-logħba tat-Tieni Diviżjoni bejn Sannat Lions u Oratory Youths, il-Malta Football Referees Association ħarġet direttivi ebsin fil-konfront tal-plejer Antoine Camilleri, il-partitarji u l-iskwadra ta’ Sannat Lions. L-MFRA kienet kritika għal dak li seħħ anke fil-Qorti Għawdxija meta l-plejer Camilleri ngħata multa ta’ €100 u sospensjoni ta’ sena mill-futbol. Fl-istqarrija u d-direttivi tagħha, l-MFRA qiegħda tittama li l-Bord tad-Dixxiplina tal-MFA jkun aktar iebes mal-plejer, bil-każ mistenni jinstema’ nhar l-Erbgħa li ġej. L-istqarrija u d-direttivi tal-MFRA huma s-segwenti:

Direttivi mill-Malta Football Referees Association wara l-attakk tal-bieraħ f’Għawdex

Il-Malta Football Referees Association tibda billi tirringrazzja lill-amministrazzjoni tal-Malta Football Association tal-istqarrija u tas-sapport tagħhom f’dawn l-aħħar sigħat.

L-MFRA temmen illi l-bord tad-dixxiplina tal-MFA ser tagħmel dak illi l-Qorti ta’ Għawdex m’għamlitx, iġifieri li tagħti sospensjoni denja lil Antonie Camilleri u kif, fuq kollox, huwa xieraq.

Madanakollu, il-kumitat tal-MFRA qiegħed jordna lill-membri kollha tiegħu, li jammontaw għal kważi mija fil-mija tal-uffiċjali attivi ta’ pajjiżna, sabiex qatt ma’ jaċċettaw, u għaldaqstant jirreffjaw logħob illi fihom ikun jista’ jilgħab Antoine Camilleri ġaladarba s-sospensjoni tiegħu tiġi fi tmiemha.

L-imġieba ta’ uħud mill-partitarji ta’ Sannat Lions FC waqt dan l-attakk viljakk u vjolenti, fejn dehru jwaddbu l-birra u jobżqu lill-assistent referee waqt li kien mimdud fl-art wara li ġie aggredit minn Antoine Camilleri, hija waħda inaċċettabli. Sa sigħat wara dan l-attakk, l-uffiċjali tal-logħba kienu għadhom qed jirċievu messaġġi ta’ theddid fuq il-midja soċjali.

Għaldaqstant, u fuq kollox b’turija ta’ solidarjetà mal-uffiċjali ta’ din il-logħba, il-kumitat tal-MFRA qiegħed jordna lill-membri kollha tiegħu biex ma jaċċettawx logħob illi fihom ikunu ser jilagħbu kwalunkwè skwadra ta’ Sannat Lions FC b’effett immedjat.

Dawn id-direttivi jibqgħu fis-seħħ sakemm toħroġ kontro-direttiva. Intant, l-MFRA tistenna b’ħerqa deċiżjonijiet dixxiplinarji mill-MFA, mill-Gozo Football Association u minn Sannat Lions FC.

Il-messaġġ tal-MFRA huwa wieħed ċar. Kwalunkwè attakk fuq wieħed minna, ikun min ikun ir-referee, irrelevanti mil-liema livell dan ikun ġej, huwa attakk fuq kull wieħed u waħda minna.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Futbol lokali

FA TROPHY 2019/20 Swieqi Utd………..1 Ħamrun SP……….3 Wara ħames minuti logħob, Ħamrun ingħataw penalty meta Marc Attard waqqa’ lil Jorge Soares fil-kaxxa pero ix-xutt mil-ħdax il-metru tal-istess Soares kien imblukkat tajjeb…

Futbol lokali

Żewġ gowls lejn it-tmiem kienu biżżejjed sabiex il-liders tat-tieni diviżjoni San Ġiljan Saints jaħsdu lil Valletta St Pauls u jeliminawhom mill-kompetizzjoni tal-MAFA Knock-Out. It-tim minn San Ġiljan ingħaqad ma’ Versity…

Futbol lokali

FA Trophy 2019/20 Floriana……..2 Senglea………0 (Wara l-ħin barrani) Fit-tieni partita li  kellna fil-Hibs Stadium mill-FA Trophy il-leaders Floriana għaddew għall-kwarti tal-finali meta għelbu lil Senglea A. bl-iscore ta’ 2-0 fil-ħin…

Futbol lokali

FA Trophy 2019/20 Ir-4 Round Pembroke …..0 Hibernians…..5 Hibernians bla problemi kontra Pembroke u jgħaddu għall-kwarti finali b’rebħa ta’ 4-0. Mal-10 minuta tasal l-ewwel azzjoni tal-partita meta pass fit-tul ta’…

Aktar