Futbol lokali
Elezzjoni MFA: It-tliet Viċi Presidenti attwali jitfgħu n-nomina tagħhom…mistennija jikkontestaw tlieta oħra

It-tliet Viċi Presidenti attwali tal-Malta Football Association reġgħu ġew nominati mill-klabbs u l-Assoċjazzjonijiet Membri biex jikkontestaw l-elezzjoni li se ssir fil-Laqgħa Ġenerali Annwali tal-20 ta’ Lulju.

TVM Sport jinsab infurmat li Ludovico Micallef, Alex Manfre’ u Matthew Paris, ġew innominati minn diversi klabbs biex jerġgħu jikkontestaw din l-elezzjoni.

Kif kien żvela diġà xhur ilu, TVM Sport jinsab infurmat li fil-jiem li ġejjin se jkunu nominati minn tal-inqas tliet persuni oħra għal dawn it-tliet karigi ta’ Viċi Presidenti.

Dawn huma Cory Greenland, f’isem Marsascala FC; Peter Fenech, f’isem Lija Athletic FC u Adrian Casha, ex Direttur tar-referees tal-MFA.

Paul Zammit, f’isem il-klabb ta’ Melita FC mhux se jkun qed jikkontesta.

It-terminu tal-karigi ta’ Viċi Presidenti tal-MFA jiskadi ma’ dak ta’ President tal-MFA fl-20 ta’ Lulju liu ġej.

S’issa għall-kariga ta’ President tal-MFA ħabbru li se jikkontestaw Dr Chris Bonett, ex Viċi President u Bjorn Vassallo, ex Segretarju Ġenerali.

TVM Sport jinsab infurmat li jista’ jkun li ssir elezzjoni wkoll għall-kariga ta’ Teżorier tal-MFA li fil-preżent hi okkupata minn Ivan Mizzi.

Miktub minn...
TVM Sport
Aħbarijiet Oħra
Futbol lokali

Kienu Matthew Paris, Ludovico Micallef u Adrian Casha li kisbu l-iktar ammont ta’ voti fl-elezzjoni għal tliet postijiet bħala Viċi Presidenti tal-MFA. B’kollox kien hemm sitt kontestanti għal din il-kariga…

Futbol lokali

Bjorn Vassallo huwa l-President il-ġdid tal-Malta Football Association wara li iktar kmieni llum rebaħ l-elezzjoni għall-ogħla kariga tal-MFA meta rebaħ l-elezzjoni meta għeleb lill-Chris Bonett. L-elezzjoni saret waqt il-Laqgħa Ġenerali…

Aktar