Waterpolo
Enemed Cup 2019: San Ġiljan, Neptunes u Sirens jirbħu l-logħbiet rispettivi tagħhom

Fil-pixxina nazzjonali f’Tal-Qroqq illum intlagħbu tliet logħbiet mill-Enemed Cup 2019.

San Ġiljan Tum Invest 10 Sliema Frank Salt 7

San Ġiljan rebħu tliet sessjonijiet minn erbgħa biex għelbu lis-Sliema bil-punteġġ ta’ 10-7. Fl-ewwel sessjoni San Ġiljan rebħu 2-1, u rebħu anke t-tieni waħda 4-3. Sliema rkupraw xi ftit fit-tielet sessjoni meta ħarġu rebbieħa 3-0, imma fl-aħħar sessjoni San Ġiljan kienu fl-aqwa tagħhom u rebħu 4-0 għal riżultat finali ta’ 10-7. L-aqwa skorers għal San Ġiljan kienu Kai Dowling, Ben Plumpton, Darren u Dino Zammit li kollha skurjaw tnejn, filwaqt li Jacob Sciberras u Nicholas Bugelli kienu l-aqwa skorers għal Sliema b’żewġ gowls ukoll.

Exiles Elia Caterers 12 Neptunes Leo Vegas 16

F’logħba li produċiet numru kbir ta’ gowls, Neptunes għelbu lill-Exiles bil-punteġġ ta’ 16-12. Exiles fetħu tajjeb tant li rebħu l-ewwel sessjoni 4-2, imma n-Neptunes dawru l-logħba fit-tieni sessjoni meta rebħuha 5-2, u t-tielet sessjoni rebħuha bil-punteġġ ta’ 6-3. Ir-raba’ u l-aħħar sessjoni ntemmet fid-dro ta’ 3-3, bl-aħjar skorers għan-Neptunes ikunu Niki Lanzon u Jeremy Abela b’4 gowls kull wieħed, filwaqt li Timmy Sullivan kien l-aħjar skorer għall-Exiles b’5 gowls.

Sirens Greentube 10 Birżebbuġa Freeport 8

B’rebħa f’żewġ sessjonijiet u dro fit-tnejn l-oħra, Sirens għelbu lil Birżebbuġa bil-punteġġ ta’ 10-8. Sirens rebħu l-ewwel sessjoni 2-1, bit-tieni waħda tispiċċa 3-3. It-tielet sessjoni reġgħet kienet mirbuħa minn Sirens 3-2, filwaqt li l-aħħar sessjoni spiċċat fi dro ta’ 2-2. L-aqwa skorers għas-Sirens kienu Marc Grech u Matthew Sciberras b’żewġ gowls kull wieħed, filwaqt li għal Birżebbuġa David Pace Lupi kien l-aħjar bi tliet gowls.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Waterpolo

Round Preliminari Grupp A Otters Nivea 16  Marsaxlokk Browns 18 Marsaxlokk żammew sod biex għelbu lil Otters bl-iskor ta’ 18-16, f’logħba li produċiet 34 gowl f’erba’ sessjonijiet. Marsaxlokk rebħu l-ewwel…

Waterpolo

Tliet partiti l-bieraħ mit-tielet ġurnata tal-kampjonat.   Mir-rawnd preliminri grupp A: Exiles Elia Caterers għelbu lil M’skala Fish & Fish b’punteġġ ta’ 10 bi 8. Is-sessjonijiet, Mskala l-ewwel intemmu 1-3,…

Waterpolo

Fil-Pixxina Nazzjonali f’Tal-Qroqq bdiet it-tielet ġurnata tal-kampjonat b’żewġ logħbiet. Mir-Rawnd Preliminari Grupp B iltaqgħu Otters Nivea kontra Ta’ Xbiex Amigos. Hawn rebħa għal Ta’ Xbiex 12-8. Is-sessjonijiet Otters l-ewwel 3-3,…

Waterpolo

Round Preliminari – Grupp A Sliema Frank Salt 14 Exiles Elia Caterers 7 Rebħa komda għas-Sliema kontra l-Exiles bl-iskor ta’ 14-7, fejn wara li l-Exiles rebħu l-ewwel żewġ sessjonijiet, Sliema…

Aktar