Il-kontinġent Malti li qed jieħu sehem fil- 15 -il edizzjoni tas-Summer European Youth Olympic Festival, li se jsir f’Baku, l-Ażerbajġan telaq minn Malta il-bieraħ, fejn huma mistennija li jingħaqdu ma’ madwar 3,600 atleta żgħażagħ u l-uffiċjali tagħhom.
Miżmum taħt il-patroċinju tal-Kumitat Olimpiku Internazzjonali għal dawn l-aħħar ħamsa u għoxrin sena, il-Festival Olimpiku taż-Żgħażagħ Ewropej (EYOF) huwa avveniment multi-sportiv ta’ livell għoli mmirat lejn atleti żgħażagħ ta’ bejn l-14 u t-18-il sena. Huwa fl-EYOF li ħafna mill-istilel sportivi Ewropej tal-futur jieħdu l-ewwel passi
tagħhom fix-xena internazzjonali.
Il-kontinġent Malti qed jiġi rrappreżentat minn erba’ atleti. Fl-Atletika Malta se tkun irrappreżentata minn Rachela Pace li se tieħu sehem fl-avveniment tekniku tal-Long Jump, waqt li Kurt Zahra se jieħu sehem fil-200m. Fl-għawm, iż-żgħażugħa Sasha Gatt se tikkompeti fl-avvenimenti tal-freestyle tal-50m, 100m u 200m filwaqt li l-ġinnasta Ella Borg se tieħu sehem fil-Ġinnastika Artistika. L-Atleti Maltin se jidħlu fl-azzjoni mit-Tnejn 22 ta’ Lulju.
L-Għawwiema Sasha Gatt, li mhux biss kissret tlettax -il rekord Nazzjonali iżda kienet ukoll parti mit-tim ta’ 4 x 200 m Freestyle Relay li rebaħ il-Bronż fil-Logħob tal-2019 tal-Istati Żgħar tal-Ewropa fil-Montenegro f’Mejju, se tkun qedgħa ġġor il-bandiera Maltija fiċ-ċerimonja tal-ftuħ.
L-atleti Maltin qed ikunu akkumpanjati minn kowċis Nataliya Berehova (Ġinnastika), Rachid Chouhal (Atletika) u Catalin Ioan Stan (Għawm). Id-dmirijiet ta’ Chef de Mission se jitwettqu mid-Direttur tal-Kumitat Olimpiku Malti Charlene Attard.
It-tennista Russu Andrey Rublev dam ftit iktar minn siegħa sabiex għeleb lil Roger Federer 6-3 6-4 fit-tielet rawnd taċ-Cincinnati Masters. It-tennista Żvizzeru, li rebaħ 20 Grand Slams fil-karriera tiegħu, sofra…
It-tielet u l-aħħar tellieqa tal-Eurosport BSJ 5k Road Running Series saret nhar it-Tlieta fl-Imtarfa. Is-serje ġiet organizzata mill-Birkirkara St. Joseph Sports Club u saret taħt l-awspiċji tal-Malta Amateur Athletics Association….
Il-Kampjonat Nazzjonali tat-Trail tat-Time organizzat mill-Federazzjoni Maltija taċ-Ċikliżmu ntemm riċentament fejn kemm Etienne Bonello kif ukoll Marie Claire Aquilina, it-tnejn tat-Team Greens baqgħu Champions. Etienne Bonello (Team Greens CC) baqa’…
Fir-Russja ġew sospiżi ħames weightlifters nazzjonali wara li testijiet li saru fuqhom irriżultaw pożittivi għal sustanzi projbiti. Il-Federazzjoni Internazzjonali tal-Weightlifting qalet li kienet issospendiet lill-atleti wara rapporti li kienet irċiviet…