Futbol lokali
ESKLUSSIVA: Possibbiltà kbira li AC Milan jiġu f’pajjiżna għal training camp wara l-Milied

Teżisti possibbiltà kbira li AC Milan jiġu f’pajjiżna f’Diċembru li ġej, fil-jiem ta’ wara l-Milied.

TVM Sport jinsab infurmat b’ċertezza li l-klabb leġġendarju Taljan qiegħed f’kuntatt kontinwu mal-Malta Football Association li permezz tal-kumpanija SportsPlus, jistgħu jagħmlu din il-ħolma ta’ ħafna Milanisti Maltin reali.

Jidher li l-persuna wara din iż-żjara ta’ AC Milan f’Malta m’hu ħadd ħlief Stefano Pioli, il-kowċ preżenti ta’ AC Milan li s-sena li għaddiet kien ġie f’pajjiżna meta kien kowċ ta’ Fiorentina. Jidher li t-training camp li l-‘Viola’ kienu għamlu f’Malta għoġob ħafna lil Pioli tant li jrid jerġa’ jirrepetih ma’ AC Milan.

Vantaġġ ieħor f’din iż-żjara ta’ AC Milan huma żewġ persuni bi ħbiberija kbira bejn xulxin li ħadmu flimkien għal diversi snin fil-FIFA; Bjorn Vassallo, il-President tal-MFA u Zvonimir Boban, li preżentament jokkupa l-kariga ta’ Kap Eżekuttiv ta’ AC Milan.

Għadu mhux definit bl-eżatt id-dati li t-tim Taljan qed jinnegozja biex jagħmel dan it-training camp f’Malta, iżda s-sorsi tagħna minn persuni viċin il-klabb Taljan, ikkonfermaw li “n-negozjati jinsabu fi stadju avvanzat għal wara l-Milied”.

AC Milan talbu li kemm idumu f’pajjiżna jingħataw it-training grounds tal-MFA għat-taħriġ tagħhom u anki jkollhom partita ta’ ħbiberija kontra klabb tal-Kampjonat BOV Premier, li l-klabb magħżul għad irid jiġi deċiż mill-MFA.

Malta dejjem ġabet ir-risq lill-klabb Taljan ta’ AC Milan. L-aħħar li ġew għal training camp f’pajjiżna kien fl-2007. Ftit tax-xhur wara, AC Milan rebħu s-seba’ u l-aħħar trofew tal-UEFA Champions League fil-finali kontra Liverpool.

Din mhux l-ewwel darba li Malta attirat klabbs kbar li jsibu refuġju f’pajjiżna minħabba t-temp sabiħ li jista’ jkollna f’Diċembru u Jannar. Fil-passat ġew f’pajjiżna anki Juventus, Inter, Parma, Torino, Catania, Liverpool u Manchester United, fost oħrajn.

Miktub minn...
TVM Sport
Aħbarijiet Oħra
Futbol internazzjonali

Gianfranco Zola, l-ex assistant kowċ ta’ Chelsea, qal li ħafna mill-plejers kienu ddejqu jaħdmu mal-kowċ Maurizio Sarri. F’intervista kontroversjali li ta lil Bein Sports, Zola qal li kien hemm plejers…

Futbol lokali

F’intervista ma’ TVMSport li se tixxandar illejla, Victor Sciriha kkonferma li se jibqa’ President ta’ Valletta FC u mhux se jkun qed jitlaq il-kariga qabel ma fi kliemu jara “li…

Futbol internazzjonali

Tħabbret il-mewt ta’ Beppe Barletti, ex kontributur tal-programm 90 Minuto fuq ir-RAI. Barletti kien mir-reġjun ta’ Piemonte u kien il-korrispondenti ta’ Juventus u Torino fiż-żmien li 90 Minuto kien jippreżentah…

Futbol internazzjonali

Il-UEFA qed tistenna d-dati tal-fixtures il-ġodda tal-Premier League Ingliż u tas-Serie A sabiex tkun tista’ tiffinalizza d-dati tal-kontinwazzjoni tal-kompetizzjonijiet ta’ dan l-istaġun. Il-Premier League Ingliż kien l-aħħar kampjonat li ħabbar…

Aktar