Futbol lokali
Espert tal-VAR f’Malta fi tmiem il-ġimgħa
Malta l-iżgħar pajjiż fil-FIFA li wera nteress fil-VAR
Fi tmiem din il-ġimgħa se jkun hawn f’Malta l-Kap tar-Referees tal-Belġju Johan Verbist,  li huwa wkoll il-persuna responsabbli mis-sistema tal-VAR fil-pajjiż.
Il-Belġju kien wieħed mill-ewwel pajjiżi li ntroduċa s-sistema tal-VAR – il-Video Assistant Referee – f’dawn l-aħħar żewġ staġuni.
Verbist se jkun qed imexxi seminar ta’ jumejn għall-uffiċjali lokali li min-naħa tagħhom se jkunu qegħdin janalizzaw filmati ta’ partiti li ntwerew diretti fuq TVM2 u TSN fil-ġimgħat li għaddew, wara li mix-xahar li għadda nbeda esperiment fejn referees u assistenti referees kienu mistiedna jsegwu partiti tal-BOV Premier League mill-Outside Broadcasting bħala forma ta’ preparazzjoni għall-introduzzjoni eventwali tal-VAR.
Preżenti għas-seminar se jkun hawn ukoll David Redfern, membru tal-Kumitat tar-Referees tal-Irlanda ta’ Fuq, li jixtiequ jimxu fuq il-passi ta’ Malta u jibdew it-taħriġ għall-uffiċjali tagħhom. S’issa Malta hija l-iżgħar pajjiż membru tal-FIFA li rreġistra nteress fis-sistema tal-VAR.
Il-progett tal-VAR f’Malta qed jitmexxa miċ-Ċentru tar-Referees tal-Malta Football Association bil-koperazzjoni tal-PBS u  WE Media.
Miktub minn...
Peter Cossai
Kap ta' TVM Sport. Isegwi l-Isport lokali u internazzjonali. Isegwi u jirraporta l-football lokali u internazzjonali. Jippreżenta l-programm 90 Minuta.
Aħbarijiet Oħra
Futbol lokali

Illum tkomplu u tlesta l-MFA Symposium li kien organizzat f’Dar il-Mediterran fil-Belt Valletta. Dan is-symposium wassal tagħrif ta’ opportunitajiet fid-dinja diġitali tal-lum. Is-Symposium fetaħ b’diskors tal-President tal-MFA Norman Darmanin Demajo…

Futbol lokali

Darren Abdilla hu l-kowċ il-ġdid ta’ Valletta FC. Hu ffirma kuntratt li se jorbtu mal-klabb sal-istaġun 2021/2022. L-aħbar saret uffiċjali ilbieraħ filgħaxija. Abdilla kien strumentali biex Gżira United FC għamlu…

Futbol lokali

Bob Higgins, l-ex Youth Development Officer tal-Malta Football Association, instab ħati fuq 45 kap ta’ akkuża ta’ abbuż sesswali fuq 23 tifel. Higgins kien ingħata din il-kariga fl-MFA f’Lulju tal-1989…

Futbol lokali

Manuele Blasi, l-ex plejer tas-Serie u tat-tim nazzjonali Taljan, mil-lum sar il-kowċ ta’ Hamrun Spartans FC. Blasi se jkun qed jibdel lil Giovanni Tedesco li ħalla l-kariga tiegħu biex ingħaqad…

Aktar