Sport Lokali
Esports: It-tim RPM imur il-Ġermanja biex jikkompeti mal-aqwa xufiera fid-dinja

It-tim ta’ RPM Esports nhar il-Ħamis jerħulha lejn il-Ġermanja fejn ser jikkompetu mal-aqwa xufiera tal-Motorsport virtwali.

Is-sewwieqa li se jkunu qegħdin isuqu huma Keith Camilleri, Brandon Tabone u Terence Grech.

Din hija l-ewwel tellieqa professjonali għat-tim ta’ RPM barra minn xtutna. It-tim ġie ffurmat fil-bidu tas-sena u sa issa kkompetew fi tlielaq professjonali u wrew il-potenzjal tagħhom ikkumparat ma’ timijiet oħra li ħafna minnhom huma ssapportjati minn kumpaniji kbar, bħal tim minnhom li huwa ffurmat minn Fernando Alonso, xufier professjonali fil-Formula 1.

Nistgħu ngħidu li RPM Esports huwa l-ewwel tim fil-qasam tas-sim racing li sejjer jikkompeti għal Malta f’livell professjonali fejn it-tlielaq se jkunu mxandra live mad-dinja kollha.

Justin Mifsud, it-tim manager ta’ dan it-tim flimkien mal-partners tiegħu George Muscat u Adrian Figallo huma ferm fiduċjużi fit-tim, grazzi għad-dedikazzjoni tax-xufiera li jieħdu l-leave mix-xogħol kif ukoll inaqqsu il-ħin minn mal-familja biex jitħarrġu għal din it-tellieqa kif ukoll għall-kumpaniji kollha li qegħdin jissapportjaw lit-tim.

Mifsud kompla jgħid li s-sena d-dieħla t-tim se jkollu ħafna taħriġ estensiv biex isir aktar professjonali u jkun preparat għal kull tellieqa li mistennija għas-sena 2019.

L-Esports fil-qasam tal-Motorsport virtwali qed jikber ħafna u anka l-livell tax-xufiera kiber ħafna, dan għaliex il-kumpaniji qegħdin jinvestu miljuni ta’ flus f’dan il-qasam għaliex il-promotion tal brands jista’ jsir f’ħafna postijiet b’hekk l-exposure tkun tajba ħafna għalihom.

Miktub minn...
TVM Sport
Aħbarijiet Oħra
Futsal

Kultant, fid-dinja tal-isport, jiġru kumbinazzjonijiet li jekk terġa’ tippruvahom għall-kumplament ta’ ħajtek ma jerġgħux jiġru. Tfajjel li s’issa għadu mhux magħruf b’ismu, irnexxielu jiskurja penalty fil-futsal u fl-istess xutt, iż-żarbuna…

Tennis

Suċċess għal Helen Pellicano fid-doubles taż-żgħażagħ fl-Open tal-Awstralja meta fil-logħba kontra Fernandez u Woods irnexxielha tirbaħ b’żewġ sets għal xejn. Pellicano kienet flimkien mal-Ispanjola Custic u bejniethom irnexxielhom ixejnu l-isfida…

Tennis

Fl-Open tal-Awstralja, mil-lum beda jintlagħab ir-Round tas-16, fejn fis-sezzjoni tan-nisa l-Ukrena Svitolina għelbet lill-Amerikana Keys b’żewġ seta għal wieħed. Svitolina rebħet l-ewwel sett 6-2, b’Keys tirbaħ it-tieni 6-1. Fis-sett deċiżiv…

Sport Lokali

Francesca Curmi rnexxielha tgħaddi għat-tieni rawnd tal-kategorija Juniors Women’s Doubles tal-Open tal-Awstralja meta flimkien mal- Franċiża Loudmilla Bencheikh huma għelbu l-isfida ta’ Amber Marshall u Annerly Poulos 2-6 / 6-4…

Aktar