Formula 1
F1: Ikompli d-dominju tal-Mercedes, Bottas l-ewwel u Hamilton it-tieni fl-Ażerbajġan

Formula 1: Il-Mercedes reġgħu ddominaw ir-raba’ Grand Prix tal-istaġun meta fl-Ażerbajġan ħadu l-ewwel żewġ pożizzjoniiet. Kien Valtteri Bottas li spiċċa fl-ewwel post quddiem sieħbu tal-Mercedes il-Brittaniku Lewis Hamilton.

B’din ir-rebħa Bottas jitla’ momentarjament l-ewwel fil-klassifika tas-sewwieqa. Din tal-lum kienet ir-raba’ doppjetta għal Mercedes minn daqstant tlielaq f’dan l-istaġun fejn issa għandhom ir-rekord f’idejhom wara li fl-aħħar Grand Prix kienu laħqu r-rekord tal-Williams li kienu rebħu l-ewwel żewġ pożizzjonijiet fl-ewwel tliet grand prix ta’ staġun partikolari lura fis-snin.

Sebastian Vettel tal-Ferrari temm fit-tielet post segwit minn Max Verstappen tar-Red Bull li spiċċa fir-raba’ post. Segwew Charles Leclerc fuq il-ferrari l-oħra, Carlos Sainz fuq McLaren, Lando Norris fuq McLaren, Lance Stroll fuq il-karozza Racing Point u Kimi Raikkonen fuq Alfa Romeo.

Fil-klassifika tas-sewwieqa l-ewwel Bottas bi 87 punt, Hamilton 86 punt u fit-tielet post Vettel bi 52 punt. Fil-klassifika tal-kostrutturi l-Mercedes l-ewwel b’punti massimi b’173 punt, it-tieni il-Ferrari b’99 punt u fit-tielet post ir-Red Bull b’64punt. Il-GP li jmiss isir f’Barcelona fi Spanja fit-12 ta’ Mejju.

Miktub minn...
TVM Sport
.
Aħbarijiet Oħra
Formula 1

Il-Grand Prix tal-Messiku ser jibqa’ fil-kalendarju tal-Formula 1 għat-tliet snin illi ġejjin wara li kien iffirmat kuntratt ġdid. L-isem tat-tellieqa ser jinbidel għal Mexico City Grand Prix mis-sena d-dieħla, fejn…

Formula 1

Lewis Hamilton rebaħ il-Grand Prix li saret illum fl-Ungerija. Din kienet is-seba’ rebħa ta’ Hamilton fl-istess ċirkwit fil-karriera tiegħu. It-tellieqa kienet waħda eċċittanti sal-aħħar b’Hamilton li rnexxielhu jmur fuq quddiem…

Formula 1

Max Verstappen ta’ Red Bull se jkun qed jitlaq mill-Pole Position tal-Grand Prix tal-Ungerija li se ssir għada l-Ħadd. Il-leader tal-klassifika tas-sewwieqa u tal-kostrutturi Lewis Hamilton se jkun qed jitlaq…

Formula 1

Fl-aħħar ġimgħat, saħħet Michael Schumacher qalbet għall-aħjar u qed isegwi l-kampjonat tal-Formula 1 minn fuq it-televiżjoni. Din l-aħbar żvelaha Jean Todt, ħabib intimu tal-Ġermaniż u l-imgħallem tiegħu fi żmien meta…

Aktar