Futbol lokali
FA Trophy: Falcone jpoġġi lil Birkirkara fir-raba’ rawnd

The Malta FA Trophy 2019/2020

Birkirkara FC……….1

Nadur Youngsters ..0

Gowl drammatiku ta’ Federico Falcone għen lil Birkirkara jiksbu passaġġ għar-raba’ rawnd tal-FA Trophy meta f’logħba missielta huma għelbu lit-tim Għawdxi ta’ Nadur Youngsters bl-iskor ta’ 1-0.

Fl-ewwel nofs siegħa ftit kellna okkażjonijiet denji ta’ nota sabiex fis-27 minuta kellna tentattiv ta’ Marcelo Junior għal Nadur li spiċċa għoli.

Jirrispondu Birkirkara fil-35 minuta meta wara kross tajjeb ta’ Matthew Guillaumier, kien Federico Falcone li bir-ras xeħet il-ballun kemm kemm żgħira għoli mil-lasti ta’ Steven Sultana.

L-Istripes ħarġu tajjeb fit-tieni 45 minuta u kien Edison dos Santos Tarabai li fit-48  minuta għadda tajjeb u pront kien id-difensur Ian Xuereb li salva fuq il-linja sabiex biegħed il-periklu.

Fil-61 minuta xutt ta’ Caio Prado għal Birkirkara ġie milqugħ minn Sultana sabiex fuq in-naħa l-oħra f’kontrattakk kien Predrag Djordjevic li f’shot-cross impenja lil Andrew Hogg.

Fil-71 minuta kien il-keeper ta’ Nadur Steve Sultana li ddistingwa ruħu meta salva b’mod spettakolari xutt ta’ Michael Mifsud.

Minuta wara xutt fil-baxx ta’ Maurizio Vella għal Birkirkara jolqot il-wieqfa.

Fit-82 minuta, Nadur kienu ferm perikolużi b’xutt qawwi ta’ Barbosa li spiċċa kemm kemm għoli.

U meta kollox kien jidher li konna se mmorru għall-ħin barrani, Birkirkara fetħu l-iskor. Kien l-attakkant Arġentin Federico Falcone li mattar siequ wara kross ta’ Ntow sabiex issoprenda lil Sultana.

L-Istripes żammew sal-aħħar dan ir-riżultat sabiex għaddew għar-raba’ rawnd ta’ din il-kompetizzjoni.

Skor finali: Birkirkara 1 Nadur 0

Referi kien Alan Mario Sant

Miktub minn...
robert busuttil
Ġurnalist ta' TVM Sport. Isegwi l-Isport lokali u internazzjonali. JIkkumenta l-logħob tal-kampjonat Premier. Jippreżenta programm sportiv fuq radju tal-komunita'.
Aħbarijiet Oħra
Futbol lokali

Bejn il-Ġimgħa filgħaxija u l-Ħadd tintlagħab it-tnax-il ġurnata tal-Kampjonat BOV Premier, bil-logħba ta’ tmiem il-ġimgħa tintlagħab il-Ħadd bejn Valletta u Hibernians. Is-seba’ logħbiet huma dawn: Il-Ġimgħa – Stadium Nazzjonali 19:00…

Futbol lokali

Itellgħu l-poloz tat-timijiet Nazzjonali ta’ taħt is-17 u d-19 -il sena validi mir-Rawnd ta’ Kwalifikazzjoni tal-UEFA EURO 2020/21. It-tim ta’ taħt id-19 -il sena se jilgħab mal-Ingilterra, Slovenja u Wales…

Futbol lokali

Saru magħrufa l-fixtures tar-raba’ round tal-FA Trophy 2019/20. L-MFA illum ħabbret il-programm ta’ logħbiet li se jintlagħbu hekk: FA TROPHY 2019/20 – IR-4 ROUND Il-Ġimgħa 24 ta’ Jannar 19:00 Mosta…

Futbol lokali

Tliet timijiet żammew ir-rekord perfett fil-kampjonat lokali tal-Mini-Football meta kisbu t-tieni rebħa konsekuttiva sabiex żammew l-ewwel post tal-klassifika. Fil-fatt hekk kif intlagħbet it-tieni ġurnata fil-grawnd tal-Marsa United Stars, White Eagles…

Aktar