Futbol lokali
FILMAT: Iċ-Champions Valletta idawru telfa f’rebħa u jaslu sas-semi-finali tal-FA Trophy

FA Trophy  2018/19

Kwarti tal-finali

Valletta FC ………3

Hibernians FC….2

(Wara ħin barrani)

Għal din il-partita ż-żewġ timijiet kellhom diversi players regolari nieqsa. Wara 6 minuti logħob kross fil-baxx ta’ Antonio Monticelli u xutt fil-baxx ta’ Bojan Kaljevic spiċċa ftit barra. Fit 12 –il minuta Hibs marru fil-vantaġġ meta Marco Sahanek bidel il-ballun ma’ Timothy Tabone Desira u b’xutt fil-baxx għeleb lil Henry Bonello. Fl-20 minuta l-Pawlisti rdoppjaw l-iskor, il-kross fil- baxx ta’ Taylor Marcolino daħlu fliemkien Tiago Fonseca u Joseph Mbong pero’ kien dan ta’ l-aħħar li mattar saqgajħ u tefa’ l-ballun ġewwa. Fil-41 minuta free-kick ta’ Marco Sahanek Henry Bonello wettaq save brillanti biex ċaħħad lil Hibs mit-tielet gowl.

Wara ħames minuti mil-ftuħ ta’ tieni taqsima Hibs sfaw b’10 players meta r-referee Pace wera karta ħamra lil Marcelo Dias għal daħla kerha fuq Bogdan Gavrilla. Fil-65 minuta kross ta’ Pena Beltre u xutt ta’ Bogdan Gavrila ġie imdawwar f’korner mill-goalkeeper Jovicic. Fis-70 minuta xutt mid-distanza tas-sostitut Nicholas Pulis għadda barra sabiex erba’ minuti wara Valletta daħlu fil- logħba, pass fit-tul ta’ Steve Borg sab lil Bojan Kaljevic li minn taħt Jovicic ma falliex. Fl-84 minuta Valletta skorjaw il-gowl ta’ dro, free-kick li ngħata minn Mario Fontanella u Nicholas Pulis b’daqqa ta’ ras sammar il-ballun fix-xibka Pawlista.

Wara 8 minuti tal-ħin barrani kross ta’ Pena Beltre u daqqa ta’ ras ta’ Kyrian Nwoko ġiet salvata b’diffikulta’ minn Jovicic. Fil-103 minuta Valletta skorjaw il-gowl tar-rebħa , il-kross ta’ Mario Fontanella mix-xellug daħal bil-ġirja Bojan Kaljevic u b’xutt b’saħħtu għeleb lil Jovicic.  Lejn l-aħħar ħinijiet korner ta’ Sahanek u daqqa ta’ ras ta’ Kristensen tispiċċa mal-lasta beltija, sabiex issa fis semi-finali Valletta jilagħbu kontra Gżira Utd. Referee: Stefan Pace.

 

Miktub minn...
TVM Sport
.
Aħbarijiet Oħra
Futbol lokali

Sitt klabbs tal-kampjonat BOV Premier ingħataw il-liċenzja tal-UEFA li biha jistgħu jikkompetu fl-istaġun li ġej. Dawn il-klabbs huma Balzan, Floriana, Gżira United, Hibernians, Sirens u Valletta. Dawn il-liċenzji ngħataw wara…

Futbol lokali

Il-Malta Football Association, fi stqarrija, uriet solidarjetà mal-gowlkiper nazzjonali Rashed Al-Tumi li fl-aħħar sigħat sofra minn kummenti ta’ razziżmu fuq il-media soċjali. L-MFA qalet li l-kummenti li nkitbu saru minn…

Futbol lokali

L-ex plejer internazzjonali Malti Andre’ Schembri nħatar kowċ tat-tim ta’ taħt il-15-il sena ta’ Apollon Limassol. Apollon Limassol hu t-tim li Schembri lagħab miegħu bħala plejer professjonali f’Ċipru bejn l-2017…

Futbol lokali

Il-President ta’ Żejtun Corinthians Joe Gauci tkellem għall-ewwel darba ma’ TVM Sport min mindu l-Club tiegħu ġie uffiċjalment dikjarat Champion tal-ewwel diviżjoni għall-istaġun 2019/20 u b’hekk kien promoss ukoll għall-kampjonat…

Aktar