Futbol lokali
FA Trophy: L-ebda problema għal Tarxien Rainbows

FA TROPHY 2017/18

Tarxien R……3

Swieqi Utd….0

Ref : Jude Amin Utulu.

Wara 4 minuti logħob, xutt b’saħħtu ta’ Andrew Agius u l-goalkeeper Debattista dawwar f’korner u ftit wra xutt fil-baxx ta’ Matar Dieye u Debattista reġa’ salva b’diffikultà.

F’10 minuta ħarba fuq il- lemim ta’ Dean Grech bix- xutt tiegħu ġie salvat b’diffikultà minn Chetcuti.

Fit 13-il minuta xutt bid- dawra ta’ Roderick Taliana, reġa’ salva Chetcuti.

Fl-24 minuta xutt fil-baxx ta’ Matteo Desira Buttiegieg, salva bis-sieq il-goalkeeper Debattista.

Fit 32 minuta freekick mogħti minn Roderick Taliana u daqqa ta’ ras ta’ Ion-Alin Margarit għaddiet ftit barra.

Fit 38 minuta Tarxien marru fil-vantaġġ meta Matteo Desira Buttiegieg ta lil Matar Dieye b’xutt fil-baxx għeleb lil Debattista.

Fil-41 minuta ċans kbir għal Tarxien li jirduppjaw meta Ricardo Faria ikkrosja taħt il-lasti ta’ Swieqi iżda Dieye naqas li jikkonkludi għal ġewwa .

Wara żewġ minuti mill-ftuħ tat-tieni taqsima, Tarxien reġgħu marru fuq l-attakk u xutt b’saħħtu ta’ Matthew Brincat reġa’ ġie salvat bis-sieq minn Debattista però 10 minuti wara freekick dirett angulat li ngħata minn Matthew Brincat għeleb għal kollox lill-goalkeeper ta’ Swieqi għal skor ta’ 2- 0.

Ħames minuti wara Tarxien aċċertaw ir- rebħa tagħhom meta Matar Dieye baqa’ javvanza fuq ix- xellug u b’xutt fil baxx għeleb lil Debattista.

Fit 78 minuta Tarxien reġgħu kienu perikulużi meta xutt ta ‘Ricardo Faria ġie imdawwar f’korner minn Debattista.

Lejn l-aħħar tal partita Swieqi sfaw b’għaxar players meta r-referee keċċa lil Kyle Muscat wara li ntwera it-tieni karta safra.

Referee : Jude Amin Utulu.

Miktub minn...
Mark Attard
Ġurnalist ta' TVM Sport. Isegwi l-Isport lokali u internazzjonali. Isegwi u jirraporta l-football lokali u internazzjonali. Jippreżenta l-programmi UEFA Europa League Highlights u UEFA Champions League Highlights.
Aħbarijiet Oħra
Futbol lokali

Il-membri tal-kunsill tal-Malta Football Association ingħataw dettalji tar-rekwiżiti ġodda tal-UEFA għal-liċenzjar ta’ clubs għall-kompetizzjonijiet Ewropej. Fost l-emendi għar-regolamenti ssemma’ li l-clubs li japplikaw għall-kompetizzjonijiet tal-UEFA jridu jagħmlu testijiet mediċi lill-players…

Futbol lokali

It-team nazzjonali ta’ taħt id-19-il sena minn għada jilgħab tliet partiti kompetittivi f’sitt ijiem. Malta telgħet fi grupp ma’ Franza, il-Belġju u l-Litwanja fit-tournament ta’ kwalifikazzjoni ghall-kampjonat UEFA Euro Under…

Futbol lokali

L-MFA issieħbet mal-Unjoni Ewropeja fi proġett għall-inklużjoni ta’ refuġjati u persuni vulnerabbli permezz tal-football. Il-proġett huwa kordinat minn Peter Busuttil mid-dipartiment tal-MFA għar-responsabbilta’ soċjali: li spjega kif il-proġett jagħmel parti…

Aktar