Futbol lokali
FA Trophy – L-Ispartans jistennew sal-ħin barrani biex jagħmluha mal-aħħar sittax

Gżira UTD…….0

Ħamrun S……..1 (aet)

Kellu jkun il-ħin barrani biex jiddetermina min se jgħaddi għall-aħħar sittax ta’ The FA Trophy (powered by BOOST) u kienu propju Ħamrun Spartans li għelbu l-isfida ta’ Gżira United biex issa jiltaqgħu kontra Sliema Wanderers f’Jannar wara rebħa minima ta’ 1-0.

36 min – Roderick Briffa jitfa’ ballun ‘l fuq fejn isib lil Samba Tounkara li bid-daqqa ta’ ras tiegħu tegħleb lil keeper Sultana iżda jsib lid-difensur Ħamruniż Zerafa attent u pront li jirnexxielu jaqla’ l-ballun minn fuq il-linja.

42 min – xutt ta’ Marino Clavero minn barra l-kaxxa jimpenja xi ftit lil Justin Haber, b’dan jippanċja l-ballun ‘il barra.

62 min – Andrew Cohen jqassam lejn Samba Tounkara fil-kaxxa, bix-xutt ta’ dan l-attakkant isib lil Sultana attent u jsalva parzjalment, bil-ballun jaħbat mal-mimduda biex eventwalment Sultana jżomm il-ballun.

64 min – xutt tal-istess Samba Tounkara minn pożizzjoni angolata jegħleb lil Steve Sultana għal kollox iżda mhux il-lasta hekk kif il-ballun jerġa’ jaħbat mal-mimduda.

67 min – Succi jirnexxielu jirbaħ dwell ma’ Macheda Neto biex jitfa’ ballun għan-nofs fejn isib lil Lydon Micallef li ma jolqotx il-ballun kif mixtieq, bid-difiża ta’ Gżira tikklerja l-periklu.

75 min – kross ta’ Criarco jsib lil Succi żmarkat, bix-xutt tiegħu jgħaddi ftit barra mil-lasti ta’ Justin Haber.

U minħabba li sad-90 minuta r-riżultat baqa’ 0-0 il-logħba marret għall-ħin barrani.

100 min – freekick ta’ Espindola jsib lil Lydon Micallef li bir-ras iwaqqa’ l-ballun għan-nofs fejn isib lil Tiago Souza Da Silveira li jmattar siequ u jitfa’ fix-xibka.

120 min – kross ta’ Gary Muir, bil-ballun jaqa’ f’saqajn il-captain Moises Avila Perez iżda x-xutt tiegħu ma jkunx wieħed preċiż, bil-ballun jispiċċa ftit barra.

Riżultat finali: Gżira UTD 0  Ħamrun S. 1 (wara l-ħin barrani)

Referee: Trustin Farrugia Cann

Miktub minn...
Mark Attard
Ġurnalist ta' TVM Sport. Isegwi l-Isport lokali u internazzjonali. Isegwi u jirraporta l-football lokali u internazzjonali. Jippreżenta l-programmi UEFA Europa League Highlights u UEFA Champions League Highlights.
Aħbarijiet Oħra
Futbol lokali

Problemi imminenti għal Club tal-Premier Ħamrun Spartans hekk kif dawn qedgħin jaffaċjaw projbizzjoni immedjata mill-Malta Football Association. Jidher li il-Board li jisma’ l-ilmenti tal-player u l-kowċis fi ħdan l-MFA ta…

Futbol lokali

Fil-laqgħa tal-Kunsill tal-Malta Football Association li saret illum wara nofsinhar, intqal li bejn l-Assoċjazzjoni u l-ex kowċ nazzjonali Tom Sainfiet intlaħaq ftehim finanzjarju dwar somma li se tkun qed titħallas…

Futbol lokali

Dalgħodu saret il-laqgħa ġenerali annwali tal-Club ta’ Mosta FC fejn dawn ħabbru uffiċjalment quddiem il-membri tagħhom li l-kumitat laħaq ftehim mal-kowċ taljan Enrico Piccioni li se jkun qed jagħmel ir-ritorn…

Futbol internazzjonali, Futbol lokali

Fi sforz sabiex isaħħu l-iskwadra għall-staġun ieħor Ħamrun Spartans permezz tal-President tagħhom il-Naplitan Nunzio Antignani u l-Aġent Gaetano Giovanni Farruggio qed jesploraw il-possibilita’ li jiffirmaw ftehim ta’ kollaborazzjoni mal-klabb Spanjol…

Aktar