Futbol lokali
FA Trophy: Victoria Hotspurs jegħlbu lil Żebbuġ Rangers u javvanzaw għar-raba’ rawnd

Victoria Hotspurs avvanzaw għar-raba’ rawnd tal-FA Trophy b’rebħa ta’ 5-3 fuq Żebbuġ Rangers fejn il-lejer Elton Da Silva skorja hat-trick għall-Għawdxin.

Victoria ma setax kellhom bidu aħjar għaliex wara ħames minuti De Souza twaqqa’ minn Ryan Zammit, bir-referee jordna l-penalty li minnu Elton Da Silva ma żbaljax.

Fil-15-il minuta Żebbuġ kisbu l-gowl tad-draw. Azzjoni fuq ix-xellug bejn Fagbeja u Nanapere li qassam għan-nofs fejn Samuel Buhagiar bir-ras għeleb lil Parnis. Fis-26 minuta Victoria reġgħu marru fil-vantaġġ meta Da Souza Maciel ikkontrolla l-ballun tajjeb f’tarf il-kaxxa u għeleb lil Grech b’xutt preċiż fil-baxx.

Fl-40 minuta Victoria Hotspurs skorjaw it-tielet gowl, gowl verament tajjeb ta’ Elton Da Silva li wara azzjoni personali għeleb lil Grech b’xutt angolat. Fl-aħħar ħinijiet tat-taqsima minn azzjoni ta’ korner Victoria laqtu wkoll il-lasta.

Fit-tieni taqsima Żebbuġ ħarġu determinati u fl-54 minuta naqqsu l-iskor b’azzjoni ta’ Randall Vella li qassam lejn Nanapere li b’xutt mill-ewwel sab ix-xibka. Il-logħba issa saret ferm inċerta u fil-65 minuta Victoria spiċċaw ukoll b’għaxar plejers meta Jason Pace kien muri karta ħamra wara fawl fuq Nanapere.

Ħames minuti mit-tmiem Victoria kabbru l-vantaġġ b’azzjoni oħra personali ta’ Elton Da Silva mitmuma b’xutt sabiħ li għeleb lil Grech.

Fid-89 minuta Żebbuġ mill-ġdid fil-logħba b’xutt sabiħ ta’ Noah Ojuola minn barra l-kaxxa jegħleb lil Parnis. Fil-ħin miżjud Victoria Hotspurs għalqu l-logħba meta Elton Da Silva żmarka lil Emiliano Lattes li avvanza u b’xutt fil-baxx sab ix-xibka.

Miktub minn...
TVM Sport
Aħbarijiet Oħra
Futbol lokali

Tħabbret il-mewt tal-eks plejer tat-tim Nazzjonali Malti u ta’ Valletta FC. Josie Urpani miet fl-età ta’ 83 sena. Ma’ Valletta FC, Urpani rebaħ tliet titli u żewġ F.A. Trophies Urpani…

Futbol lokali

KAMPJONAT BOV PREMIER 2019/20 GŻIRA UTD……1 SANTA LUCIA..2 Santa Lucia ħasdu lil Gżira b’żewġ gowls tal-player tal-logħba Rei Tachikawa biex minkejja li lagħbu nofs it-tieni taqsima bi player anqas xorta…

Futbol lokali

KAMPJONAT BOV PREMIER 2019/20 SIRENS FC……..2. MOSTA FC…….0. Fil-11-il minuta pass tajjeb ta’ Lucas Memezes lil Flavio Cheversan li baqa’ javvanza pero xutt finali tiegħu gie imdawwar f’korner minn Vella….

Futbol lokali

Marsa St Michael u Valletta St Pauls baqgħu ras imb’ras fil-kampjonat tal-ewwel diviżjoni tal-MAFA meta rebħu b’mod drammatiku l-konfronti rispettivi tagħhom. It-tnejn li huma għandhom 13-il punt fil-klassifika u hekk…

Aktar