Futbol lokali
ARA: Claudio Marchisio jammira s-sbuħija ta’ Malta b’filmat fuq Instagram

Claudio Marchisio, l-ex plejer ta’ Juventus u tat-tim nazzjonali tal-Italja, jinsab f’Malta fuq stedina tal-Juventus Club Cuore Bianconero.

U filwaqt li jinsab hawn biex jiltaqa’ mal-Juventini Maltin, ma naqasx milli jieħu ritratti u filmati u jtellagħhom fuq il-profil personali tiegħu ta’ Instagram li fuqu għandu aktar minn 4 miljun persuna jsegwuh minn madwar id-dinja kollha.

Marchisio hu fost l-aktar plejers maħbuba fl-Italja, mhux mal-partitarji ta’ Juventus biss.

Il-filmat li tella’ ftit tal-ħin ilu kien waqt ikla li kellu mal-Eżekuttiv tal-Juventus Club Cuore Bianconero, f’ristorant fl-Għadira, fil-Mellieħa.

Din mhux l-ewwel darba li diversi persuni popolari fid-dinja żaru pajjiżna u ma ddejqu xejn jagħmlu reklam sabiħ permezz tal-profili soċjali tagħhom.

Claudio Marchisio lagħab 294 partita ma’ Juventus u skurja 33 gowl.

Mal-Italja lagħab 55 partita u skurja ħames gowls.

Miktub minn...
TVM Sport
Aħbarijiet Oħra
Futbol internazzjonali

Il-CAS, it-Tribunal tal-Arbitraġġ Sportiv ibbażat fl-Ivizzera dalgħodu ppublika d-deċiżjoni finali dwar l-appell li kienu ressqu Manchester City wara li dawn kienu ġew sospiżi milli jikkompetu fil-kompetizzjonijiet ewropej tal-UEFA. Manchester City…

Futbol lokali

Sitt gowls ta’ Zvezdan Vukovic għenu lil White Eagles jirbħu s-Super Cup  organizzata mill-Malta MiniFootball Association meta fil-grawnd tal-Marsa huma għelbu lil United Stars bl-iskor ta’ 10-7. Din kienet l-aħħar…

Futbol internazzjonali

Napoli 2   Milan 2 Draw fis-San Paolo bejn Napoli u Milan meta f’konfront missielet spiċċaw 2-2. Milan fetħu l-iskor fl-20 minuta b’gowl ta’ Hernandez, u Di Lorenzo ġab id-draw għal…

Futbol internazzjonali

Tottenham H. 2   Arsenal 1 Tottenham Hotspur rebħu d-derby ta’ Londra meta laqgħu għandhom lil Arsneal u rebħulhom 2-1. Kienu l-Gunners l-ewwel li fetħu l-iskor meta Lacazette sab ix-xibka fis-16-il…

Aktar