Futbol lokali
FILMAT: Gżira United jiksbu draw kontra Ħamrun fl-aħħar sekondi

KAMPJONAT BOV PREMIER 2018/19

Ħamrun ……….. 1

Gżira U. ……….. 1

Gżira żammew l-imbattibilita tagħhom grazzi għal gowl fid-90 minuta f’logħba li Ħamrun setgħu għalqu iktar qabel bit-tieni gowl.

Wara biss 20 Haber kellu joħroġ f’saqajn Domoraud u risposta immedjata ta’ Gżira bix-xutt ta’ Garba mdawwar għal korner minn Bartolo.

Fl-14-il minuta Ħamrun fetħu l-iskor meta Priso ta lil CRIACO li qabeż tajjeb lil Soares u b’xutt angolat fil-baxx għeleb lil Haber. Fil-21 minuta rovexxata sabiħa ta’ Nayar u ballun ftit għoli.

Ħamrun ikkontrollaw tajjeb il-vantaġġ bil-Maroons isibuha ferm diffiċli biex jersqu lejn Bartolo. Kien biss fl-40 minuta li Gżira kienu perikolużi meta minn kross ta’ Cohen id-daqqa ta’ ras ta’ Mengolo għaddiet ftit għoli.

Fl-intervall Gżira tilfu lil Corbolan li kellu jinbidel ma’ Joselin Domoraud u t-taqsima fetħet b’azzjoni tal-Ispartans b’Haber jimblokka fuq Priso. Fil-55 minuta freekick ta’ Andrew Cohen u ballun ftit għoli.

Fid-59 minuta Ħamrun fallew ċans tad-deheb li jirduppjaw fejn mil-lemin Moukanza qassam lejn Priso li wasal ftit tard b’lasta vojta quddiemu. Fit-63 minuta azzjoni oħra ta’ Ħamrun b’Domoraud jkollu ġirja tajba iżda għal darb’oħra Haber salva lil sħabu.

Fl-aħħar minuti Gżira assedjaw lill-Ħamruniżi u fid-90 minuta wasal il-gowl tad-draw tal-Maroons b’rovexxata spettakolari ta’ Giammarco Conti.

Skor finali 1-1. Referee Trustin Farrugia Cann.

Miktub minn...
TVM Sport
.
Aħbarijiet Oħra
Futbol lokali

Ir-referee Għawdxi Mario Apap inħatar bħala l-President il-ġdid tal-Malta Football Referees Association. Hu inħatar waqt laqgħa ġenerali oħra tal-assoċjazzjoni. Ishmael Barbara inħatar bħala Segretarju filwaqt li fir-rwol ta’ Viċi President,…

Futbol lokali

FUTBOL LOKALI Gżira United ippreżentaw l-iskwadra tagħhom għall-istaġun li ġej waqt konferenza stampa li saret ilbieraħ filgħaxija f’post tad-divertiment f’Tas-Sliema. Il-Maroons, li spiċċaw fit-tielet post tal-klassifika kemm fl-istaġun li għadda…

Futbol lokali

Sliema Wanderers ħabbru li akkwistaw lill-plejer mill-Arġentina Juan Cruz Gill. Id-difensur, li għandu wkoll ċittadinanza Taljana, lagħab f’pajjiżna ma’ Valletta u Tarxien Rainbows. Fil-passat, Crus Gill lagħab fil-Premier Division fl-Arġentina…

Aktar