Futbol internazzjonali
FILMAT: Il-Goals tar-rebħa ta’ Atletico fuq Juventus

F’logħba mit-turnament International Champions Cup li ntlagħbet fil-Friends Arena ta’ Stokkolma, Atletico Madrid għelbu lil Juventus 2-1, bil-gowls kollha jaslu fl-ewwel taqsima.
Fl-ewwel taqsima xutt mill-viċin ta’ Chiellini kien salvat bi bravura mill-goalkeeper Oblak u f’risposta Atletico resqu qrib iżda l-ballun kien maqlugħ minn fuq il-linja.
Atletico fetħu l-iskor permezz taż-żagħżugħ Portugiż ta’ 19-il sena Joao Felix fl-24 minuta u Juventus kisbu l-gowl tad-draw ħames minuti wara permezz ta’ Khedira.
Fit-33 minuta Lemar reġa’ poġġa lil atletico fil-vantaġġ. Fit-tieni taqsima diversi tentattivi l-iktar minn naħa ta’ Juventus li kienu sfortunati meta xutt ta’ Rabio ħabat mal-lasta.

 

Miktub minn...
TVM Sport
.