Waterpolo
FILMAT: Il-Pitch tal-Waterpolo tal-Valletta Utd għadu fi stat diżastruż

Il-Pitch tal-Waterpolo tal-Valletta Utd għadu jinsab fi stat diżastruż, pitch li fil-passat kien il-mekka tal-waterpolo lokali fejn anke kien jospita mhux biss logħbiet tal-kampjonat lokali iżda wkoll Tournaments Internazzjonali li iżda bħalissa jinsab fi stat ta’ abbandun totali.

Dawn il-filmati li waslu għand TVM Sports juru kif il-post fiż-żona ta’ Marsamxett fil-Belt huwa totalment mitluq u abbandunat b’diversi kmamar li fil-passat kienu jintużaw jew bħala dressing rooms, kmamar tal-kumitat u stores illum huma moħba ċara għall-abbużi.

Dawn il-filmati huma uġieħ ta’ qalb għall-Beltin li fis-snin 70 u 80 kienu dejjem fost l-aqwa teams tal-waterpolo f’Malta.

Ikkuntatjat minn TVM Sport il-President ta’ Valletta Utd Victor Spiteri qal li dawn il-filmati miġbuda ftit tal-jiem ilu se jkunu biss parti mill-istorja tal-Valletta Utd hekk kif il-Club jinsab ħerqan jistenna l-aħħar minn sensiela ta’ approvazzjonijiet biex jibda proġett ambizzjuż. Filfatt Spiteri spjega ma’ TVM Sport li Valletta Utd akkwistaw fil-passat it-titolu tal-Art mingħand SportMalta, u sena u nofs ilu saret l-applikazzjoni lill-Awtorita’ tal-Ippjanar għal żvilupp ta’ Pixxina tal-ilma ħelu bil-faċilitajiet anċillari kollha. Sussegwentament saret ukoll l-applikazzjoni għall-kummerċjaliżazzjoni ma’ SportMalta sabiex il-Club ikun jista’ jopera legalment fuq bażi kummerċjali.

L-aħħar darba li Valletta Utd rebħu l-kampjonat kienu eżattatament 30 sena ilu fl-1990.

Il-Club tal-Waterpolo ta’ Valletta Utd għadu qed jistenna l-approvazzjoni tal-aħħar permess mill-Awtorita’ tal-Ipjannar sabiex jibda dan il-proġett. TVM Sport jinsab infurmat li l-pjanti u disinn fl-applikazzjoni oriġinali kellhom ikunu mibdula diġa’ datbtejn fuq talba tal-awtoritajiet tal-aippjanar u jidher li l-permess jista’ tkun imressqa u diskuss fil-ġimgħat li ġejjien.

Miktub minn...
TVM Sport
.
Aħbarijiet Oħra

L-ASA għadha kemm ippublikat il-fixtures riveduti tagħha għall-kontinwazzjoni tal-istaġun fosthom il-logħbiet tal-finali tal-kampjonat BOV Premier finali li se tkun fuq l-aħjar minn tliet logħbiet. Skond il-fixtures riveduti l-ewwel logħba bejn…

Skond il-paġna ta’ facebook tal-programm Swim Up ta’ TVM Sport plejer ta’ Neptunes irriżulta pożittiv wara li għamel swab test qabel il-logħba tal-bieraħ bejn Neptunes u Sliema. Il-plejer li ismu…

Neptunes WPSC 11   Sliema Frank Salt Real Estate 7 Fit-tielet logħba tal-play-offs Neptunes għelbu lil Sliema bil-punteġġ ta’ 11-7. Il-logħba kienet pjuttost movimentata b’Neptunes jirbħu l-ewwel sessjoni 3-1, u Sliema…

Aktar