Futbol internazzjonali
FILMAT: Juventus jirbħu 4-3 b’auto goal ta’ Koulibaly wara li kienu 3-0 minn fuq

Serie A 2019/20: Fil-bidu tat-tieni ġurnata Juventus rebħu b’daqxejn fortuna kontra Napoli bl-iskor ta’ 4-3 wara li saħansitra kienu 3-0 minn fuq f’ħin minnhom fil-logħba, iżda rimonta kbira ta’ Napoli li ġabu d-draw kienet se tirriżulta f’disfatta għaċ-Champions taljani li kieku ma kienx għal auto goal ta’ Kalidou Koulibaly fil-ħin addizzjonali.

Wara 18 -il minuta Danilo poġġa lil Juventus 1-0 minn fuq wara 30 sekonda li kien għadu kif daħal bħala sostitut flok Mattia De Sciglio. Minuta wara Gonzalo Higuain dar tajjeb fil-kaxxa u għamilhom 2-0.

Fit-tieni taqsima fit-62minuta Cristiano Ronaldo skorja t-3-0 u kważi game over, iżda ma kienx il-każ għaliex Napoli skorjaw tliet darbiet u ġabu d-draw b’goals ta’ Kostas Manolas fis-66minuta, Hirving Lozano żewġ minuti wara u t-3-3 permezz ta’ Giovanni Di Lorenzo b’żewġ goals minn dawn it-tlieta jistgħu jintefgħu fuq ir-responsabilita` tad-difiża mmexxija minn Bonucci u de Ligt li jidher għadhom ma drawx lil xulxin sew. Il-Patatrakk finali seħħ meta kollox kien qed jindika li l-logħba se tintemm fi draw meta Kalidou Koulibaly mar jikklerja l-ballun bix-xellug laqtu ħażin u għeleb lil sieħbu l-goalkeeper Alex Meret għal skor finali 4-2 favur Juventus.

 

Miktub minn...
TVM Sport
.
Aħbarijiet Oħra
Futbol internazzjonali

Il-captain ta’ Barcelona, Lionel Messi, huwa mistenni li jagħmel ir-ritorn tiegħu fit-tim Katalan fil-logħba tal-lejla kontra Borussia Dortmund. Messi għadu ma lagħabx logħba waħda ma’ Barcelona f’dan l-istaġun wara li…

Futbol internazzjonali

Torino 1  Lecce 2 Lecce ħadu l-ewwel rebħa tagħhom fis-Serie A f’dan l-istaġun meta marru għand Torino u rebħulhom bl-iskor ta’ 2-1. Kien Farias li fil-35 minuta poġġa lil Lecce…

Futbol internazzjonali

Il-Pulizija arrestaw 10 partitarji Ultras ta’ Juventus fuq suspetti li ppruvaw jordnaw lill-klabb Taljan biex jagħtihom biljetti b’xejn biex ibiegħhuhom f’kuntrabandu. Dan il-każ qed ikun meqjus bħala daqqa ta’ ħarta…

Futbol internazzjonali

Luciano Passirani, il-kummentatur u ġurnalist fuq l-istazzjon Top Calcio 24, tkeċċa minħabba kummenti razzisti li għadda s-Sibt filgħaxija wara l-partita li fiha Inter għelbu lil Udinese bi skor ta’ 1-0….

Aktar