Futbol lokali
FILMAT: Sirens kważi Champions tal-Ewwel Diviżjoni

Sirens huma ċ-champions tal-Ewwel Diviżjoni meta rebħu l-konfront dirett bejn iż-żewġ timijiet promossi biex issa fetħu vantaġġ ta’ sitt punti fuq Gudja u t-tim ta’ San Pawl il-Baħar issa jonqsu biss punt mill-aħħar żewġ logħbiet biex jirbaħ il-kampjonat. Huma diġa’ ġew promossi matematikament għall-kampjonat Premier.

Fis-sebgħa u tletin minuta Sirens fetħu l-iskor meta minn kross mix-xellug ta’ Morgon Filho … kien Ratko Mandic li b’daqqa ta’ ras mill-viċin xeħet fix-xibka. Fit-tieni taqsima, Sirens amministraw tajjeb il- vantaġġ u resqu qrib fis-sebgħa u sittin minuta meta l-gowlkiper ta’ Gudja kellu joħroġ f’saqajn Morgon Filho u fit-tkomplija tal-azzjoni l-istess Debono salva x-xutt ta’ Clive Gauci.

Fid-disgħa u sebgħin minuta Gudja kisbu id-dro meta s-sostitut Marshall qassam lejn Kooh Sohna li bir-ras minn żewġ passi bogħod xeħet wara Montfort. Gudja issa bdew jemmnu li jistgħu idawru r-riżultat u xeħtu kollox fl-attakk iżda kienu kastigati tliet minuti mit-tmiem meta s-sostitut RUSSELL FENECH ġera tajjeb mal-linja u minn tarf il-kaxxa għeleb lil Debono bil-ballun jaħbat mal-lasta spiċċa fix-xibka.

Miktub minn...
TVM Sport
.
Aħbarijiet Oħra
Futbol lokali

Steve D’Amato m’għadux coach ta’ Naxxar Lions… bil-probabbilta’ kollha tkun li se jissieħeb ma’ team tal-Premier. Fl-istaġun li għadu kif spiċċa D’Amato mexxa lil Naxxar għar-raba’ post fil-Kampjonat BOV 1…

Futbol lokali

Id-difensur ta’ Hibernians Andrei Agius rebaħ għall-ewwel darba l-unur tal-Player tas-Sena tal-MFA . Agius kien kolonna fid-difiża ta’ Hibernians li kellhom staġun pożittiv minkejja li dawn spiċċaw mingħajr ma’ rebħu…

Futbol lokali

Illum tkomplu u tlesta l-MFA Symposium li kien organizzat f’Dar il-Mediterran fil-Belt Valletta. Dan is-symposium wassal tagħrif ta’ opportunitajiet fid-dinja diġitali tal-lum. Is-Symposium fetaħ b’diskors tal-President tal-MFA Norman Darmanin Demajo…

Futbol lokali

Darren Abdilla hu l-kowċ il-ġdid ta’ Valletta FC. Hu ffirma kuntratt li se jorbtu mal-klabb sal-istaġun 2021/2022. L-aħbar saret uffiċjali ilbieraħ filgħaxija. Abdilla kien strumentali biex Gżira United FC għamlu…

Aktar