Futbol lokali
Fiorentina jirbħu l-Visit Malta Tournament

Fiorentina rebħu l-Visit Malta Tournament meta rebħu ż-żewġ logħbiet tagħhom kontra l-klabbs Maltin, Hibernians u Gżira United.

F’dan it-turnament triangulari ntlagħbu tliet logħbiet ta’ 45 minuta kull logħba, bil-klabb Taljan jispiċċa fl-ewwel post b’sitt punti segwit minn Gżira United bi tlieta u Hibernians fl-aħħar post mingħajr l-ebda punt.

Fil-logħba deċiżiva Fiorentina għelbu lil Gżira 2-0 biex aċċertaw mir-rebħ tat-turnament. Fiorentina marru minn fuq wara żewġ minuti logħob grazzi għal awtogowl ta’ Sacha Borg, u għalqu l-logħba bit-tieni gowl skorjat minn Jordan Veretout fis-17-il minuta.

Gżira kellhom xi ċansijiet ta’ skor f’saqajn Garba fl-24 minuta u ħames minuti wara xutt mill-viċin ta’ Justin Mengolo ħabat ma’ sieq il-lasta.

Fl-ewwel impenn tagħhom Fiorentina għelbu faċilment lil Hibernians 6-0. Kien Benassi li fetaħ l-iskor b’xutt sabiħ bid-dawra minn barra l-kaxxa wara sitt minuti logħob, u fis-16-il minuta Fiorentina skorjaw it-tieni gowl meta ngħataw penalty għal fawl fuq Chiesa, u l-akkwist il-ġdid tagħhom Muriel ma falliex mill-11-il metru.

Minuta wara l-istess Muriel skorja t-tielet gowl b’xutt fil-baxx minn tarf il-kaxxa u fit-23 minuta l-iskor sar 4-0 b’azzjoni tajba tal-Vjola fejn Chiesa bit-takkuna żmarka lil Thereau li mill-viċin ma falliex.

Muriel għaqqad il-hat trick b’xutt angolat fit-38 minuta u minuta mit-tmiem kien Benassi li għalaq il-festival tal-gowls bit-tieni gowl personali tiegħu u s-sitt wieħed ta’ Fiorentina.

Dan it-turnament fetaħ bl-ewwel konfront bejn iz-zewġ timijiet Maltin Gzira United u Hibernians li jinsabu fl-ewwel post tal-Kampjonat Premier. Kienu Gzira United li ħarġu rebbieħa 2-0. Wara kwarta logħob penalty favur il-Maroons li kien mogħti minn Zach Scerri li ma falliex.

It-tieni gowl ta’ Gzira wasal man-nofs siegħa logħob meta minn korner mogħti minn Zarate kien Sacha Borg li b’daqqa ta’ ras xeħet il-ballun fix-xibka.

Miktub minn...
Chris Cassar
Aħbarijiet Oħra
Futbol lokali

Manuele Blasi, l-ex plejer tas-Serie u tat-tim nazzjonali Taljan, mil-lum sar il-kowċ ta’ Hamrun Spartans FC. Blasi se jkun qed jibdel lil Giovanni Tedesco li ħalla l-kariga tiegħu biex ingħaqad…

Futbol lokali

Brandon Cassar, Nickolas Paris u Mattia Calleja huma tliet plejers li jiffurmaw parti mill-iskwadra ta’ taħt it-13-il sena ta’ Fgura United F.C. u li għadhom kif esperjenzaw erbat ijiem taħriġ fi Siena, fl-akkademja…

Futbol lokali

Giovanni Tedesco, l-ex kowċ ta’ Hamrun Spartans FC, mil-lum sar kowċ ta’ Gżira United FC. Tedesco ffirma kuntratt ta’ tliet snin li se jorbtu mal-klabb tal-Maroons sal-istaġun 2021/2022. Fi stqarrija…

Futbol lokali

Il-Gozo Football Association temmet uffiċjalment l-istaġun tal-futbol 2018/2019 bl-avveniment anwali tal-GFA Awards 2018 / 2019, fejn l-assoċjazzjoni ħabbret u ppreżentat l-unuri individwali f’diversi kategoriji ta’ kompetizjonijiet tal-futbol Għawdxi.  L-unuri ewlenin…

Aktar