Futbol internazzjonali
Fl-Ingilterra: Allegri jgħid “iva” lil Chelsea, Arsenal f’taħdidiet ma’ Ancelotti

Chelsea FC, il-klabb ta’ Londra diġà għandu Manager ġdid lest hekk kif issa ħarġet fl-apert li possibbilment, dan se jkun l-aħħar staġun ta’ Antonio Conte.

Roman Abramovich, sid il-klabb diġà għandu ftehim mal-kowċ attwali ta’ Juventus, Massimiliano Allegri.

L-aħbar ħarġet ftit tas-sigħat ilu fil-media Ingliża u kienet segwieta mill-media Taljana.

Rapporti qegħdin jgħidu li Abramovich togħġbu ħafna s-sistema tal-logħba Taljana u għalhekk irid ikun ċert li jkun hemm kontinwità hekk kif Conte jiddeċiedi jieqaf mill-impjieg tiegħu.

Minkejja li l-ex kowċ tat-tim nazzjonali Taljan fadallu kuntratt sas-sajf tal-2019, kollox qed jindika li r-relazzjoni bejnhu u d-diriġenza tal-Blues marret xi ftit għall-agħar fl-aħħar ġimgħat.

Allegri, min-naħa tiegħu, fadallu kuntratt sal-2020 iżda qed jidher ukoll li l-President Andrea Agnelli u d-Direttur Ġenerali Giuseppe Marotta jistgħu jilħqu ftehim biex mis-sajf li ġej kulħadd jinħall mill-kuntratt.

Fl-istess ħin, ħarġet ukoll l-aħbar li Arsenal bdew taħdidiet ma’ Carlo Ancelotti.

L-ex kowċ ta’ Bayern Munich jinsab interessat fl-offerta li qed jagħmlu l-Gunners u jekk kollox iseħħ kif pjanat, Ancelotti se jkun qed jibdel lil Arsene Wenger wara diversi snin.

Din l-aħbar tkompli toqtol kull possibbiltà li Ancelotti jirritorna fl-Italja jew li saħansitra jieħu f’idejh it-tim nazzjonali Taljan fix-xhur li ġejjin.

Miktub minn...
Mark Attard
Ġurnalist ta' TVM Sport. Isegwi l-Isport lokali u internazzjonali. Isegwi u jirraporta l-football lokali u internazzjonali. Jippreżenta l-programmi UEFA Europa League Highlights u UEFA Champions League Highlights.
Aħbarijiet Oħra
Futbol internazzjonali

River Plate…..2 (4) Al Ain………….2 (5) Al Ain huwa l-ewwel tim li wasal sal-finali tal-FIFA Club World Cup, meta fis-semifinali huma għelbu lir-River Plate bil-penalties wara li l-logħba ntemmet 2-2….

Futbol internazzjonali

Lionell Messi, il-plejer tal-Arġentina u ta’ Barcelona, rebaħ l-unur tal-‘Golden Shoe’. Dan l-unur jintrebaħ mill-aktar plejer li jiskurja gowls fl-Ewropa, f’kampjonati professjonali. Messi skurja 34 gowl f’La Liga fl-istaġun li…

Futbol internazzjonali

Juergenb Klopp, il-Manager ta’ Liverpool, sejjaħ lil Jose Mourinho, “Manager formidabbli.” L-ex Manager ta’ Manchester United tkeċċa dalgħodu mill-kariga tiegħu wara sentejn u nofs. Ir-Red Devils iridu jħallsu lil Mourinho…

Futbol internazzjonali

Inkredibbli imma vera! Ma temminx kif dan il-ballun ma daħalx fix-xibka u kif meta tim ma tkunx ġurnata tiegħu, ma jiskurja qatt. Taħwida quddiem il-lasti f’partita tal-FA Trophy fl-Ingilterra bejn…

Aktar