Futbol internazzjonali
Fl-Italja: Andrea Agnelli u Fabio Paratici jsejħu lil Maurizio Sarri dwar il-futur ta’ Juventus

Tard ilbieraħ filgħaxija, il-President ta’ Juventus Andrea Agnelli u d-Direttur Ġenerali Fabio Paratici, sejħu lill-kowċ Maurizio Sarri biex miegħu jiddiskutu l-futur ta’ Juventus għal kumplament tal-istaġun.

Jidher li din il-laqgħa saret waqt ikla f’ristorant fiċ-ċentru ta’ Turin, ‘Il Bastimento’.

Il-media Taljana qed tirraporta li kien il-President ta’ Juventus li ried din il-laqgħa mal-kowċ tiegħu biex jara jekk hemmx problema ma’ xi plejers u għalfejn it-tim mhux qed jilgħab u jiffunzjona tajjeb kif kien sal-istaġun li għadda.

Agnelli u Paratici m’humiex kuntenti bil-forma li għaddejja l-iskwadra bħalissa. Juventus iridu jilagħbu partiti importanti fil-kampjonat kontra Inter u Lazio fil-ġimgħat li ġejjin u s-semifinali tal-Coppa Italia l-Ħamis li ġej kontra Milan. Aktar minn hekk, il-partita mill-UEFA Champions League kontra Lyon ta’ Franza tinsab viċin ukoll.

Jidher li Agnelli reġa’ wera fiduċja f’Maurizio Sarri iżda għamilha ċara li ma jistgħux isiru aktar żbalji u li hemm mod u mod kif titlef partita.

Sezzjonijiet tal-media qed isostnu l-possibbiltà tar-ritorn ta’ Massimilliano Allegri.

Madankollu, jidher li dan l-istaġun, Juventus se jispiċċawh b’Sarri u jekk issir il-bidla se tkun fis-sajf li ġej.

Jiddependi biss mill-wirjiet u mir-riżultati li jakkwista t-tim fl-aħħar tal-istaġun.

Miktub minn...
TVM Sport
Aħbarijiet Oħra
Futbol internazzjonali

Il-klabb Spanjol ta’ Real Betis ħatru lil Manuel Pellegrini bħala l-kowċ tagħhom. Pellegrini ffirma kuntratt ta’ tliet snin mat-tim ta’ La Liga. L-ex kowċ ta’ Real Madrid, Manchester City u…

Futbol internazzjonali

Wara l-partita tal-bieraħ kontra Bournemouth, Jose Mourinho, manager ta’ Tottenham niżel għall-konferenza tal-aħbarijiet ta’ wara l-partita iżda din ma damitx wisq. Jidher li waqt il-konferenza żviluppat ħsara teknika fis-sound, tant…

Futbol internazzjonali

Il-captain ta’ Liverpool Jordan Henderson mhux se jilgħab għall-kumplament tal-istaġun minħabba injury fl-għaksa. Liverpool fadallhom jilagħbu erba’ partiti sakemm jingħataw it-trofew għat-titlu ta’ champions. Minkejja dan, Henderson se jkun qed…

Futbol internazzjonali

Illum wara nofsinhar, f’Nyon, fl-Iżvizzera, ittellgħu l-poloz tal-UEFA Europa League mill-kwartit tal-finali ’l quddiem. Wolfsburg jilagħbu kontra Shakhtar Donetsk u r-rebbieħ bejn dawn jilgħab kontra r-rebbieħ bejn Eintracht Frankfurt u…

Aktar