Wara t-tragedja tal-klabb ta’ Flamengo jibdew isiru l-funerali tal-vittmi. Il-player Arthur Vinicius kien wieħed mill-għaxar t’itfal li sfaw maqtula wara li nar kbir ħakem iċ-ċentru tat-taħriġ tal-klabb Brażiljan nhar il-Ġimgħa. Il-wake u l-funeral saru f’Volta Redonda l-bieraħ, inċidentalment fil-ġurnata ta’ meta Vinicius kien ser jiċċelebra għeluq sninu. Il-player ta’ 15 il-sena kien jilgħab bħala difensur fejn is-sena li għaddiet kien anki ġie msejjaħ mat-tim nazzjonali Brażiljan ta’ taħt il-15 il-sena. Omm Vinicius, Marilia Barros, b’qalb maqsuma stqarret li l-aħħar memorja ta’ binha kienet dik meta waslitu sa’ Ninho do Urubu, iċ-ċentru ta’ taħriġ fil-periferija tal-Belt. L-inċident jidher li beda minn sistema tal-arja kundizzjonata fejn minbarra l-għaxar players mejtin , tlett żgħażagħ oħra ttieħdu l-isptar, wieħed minnhom f’sitwazzjoni gravi.