Futbol lokali
Football: Convenience Tournament 2018 bil-parteċipazzjoni ta’ 5 teams mill-ewwel diviżjoni

Illum tnieda l-Convenience Tournament 2018 organizzat mill-Club ta’ San Gwann.

Dan il-pre season Tournament se jkollu l-parteċipazzjoni ta’ xejn inqas minn ħames teams mill-ewwel diviżjoni. Dawn se jkunu Mqabba FC, Żejtun Corinthians , Żebbuġ Rangers, Lija Athletic u team li qed jorganizza t-Tournament San Ġwann.

Waqt konferenza stampa ingħataw id-dettalji tat-tournament li issa daħal fit-tielet edizzjoni tiegħu. Il-Viċi President ta’ San Ġwann Trevor Fenech flimkien mas-Segretarju Ġenerali Raymond Colombo taw dettalji ta’ kif se jimxi l-andament ta’ dan it-Tournament. Huma stqarrew li t-tournament iservi bħala preparazzjoni tajba għall-bidu tal-istaġun hekk kif il-kowċis ikollhom iċ-ċans li jkompli jipprovaw xi players qabel il-bidu tal-kampjonat BOV tal-Ewwel diviżjoni li din is-sena se jkun qed jibda fl-14 ta’ Settembru.

Il-logħob tal-Convenience Tournament 2018 jibda l-Ġimgħa 10 t’ Awwissu u jibqa’ għaddej sal-1 ta’ Settembru. Il-logħob kollu se jintlaghab fiċ-Charles Abela Stadium tal-Mosta. Il-ħlas għad-dħul se jkun ta’ €3.50.

 

Miktub minn...
TVM Sport
.
Aħbarijiet Oħra
Futbol lokali

Birkirkara ppreżentaw l-akkwisti u l-isponsors il-ġodda f’konferenza stampa organizzata llum wara nofsinhar li ġiet indirizzata mill-President Frank Zarb, mid-Drettur Tekniku Michael Valenzia u mid-Direttur Sportiv John Arne Riise. Frank Zarb,…

Futbol lokali

Bejn għada u l-Ħadd, jintlagħbu l-erba’ kwarti tal-finali tal-FA Trophy, fejn minnhom iridu joħorġu s-semifinalisti għal dan l-istaġun. It-tmien kowċis li se jkunu nvoluti f’dawn il-partiti ngħaqdu f’daqqa fil-Millennium Stand…

Aktar