Formula 1
Formula 1: Dalwaqt ser jibda l-ittestjar fuq karozza b’tyres 18-inch

Ser ikunu tliet timijiet tal-Formula 1 li ser jipprovdu l-karozzi tagħhom lill-kumpanija Pirelli sabiex jippruvaw t-tures 18-inch għall-istaġun 2021. Skont Mario Isola, wieħed mid-diretturi tal-Pirelli, “jekk kollox imur kif ippjanat, l-ewwel testijiet tat-tyres il-ġodda jibdew f’nofs Settembru li ġej.”

Skont rapporti li ħerġin mill-Ġermanja, jidher li l-Ferrari, l-Mercedes u r-Renault ser ikunu qegħdin jipprovdu karozzi apposta sabiex isir l-ittestjar ta’ dawn it-tyres. It-tim tar-Red Bull ma jistgħux jipprovdu karozza huma, minħabba li fl-2018 kienu qegħdin isuqu b’magna Renault. Skont Isola, “dawn it-testijiet huma importanti ħafna, u jekk kemm-il darba timijiet iżgħar jixtiequ jipprovdu karozzi għall-ittestjar tat-tyres, inkunu kuntenti ħafna.”

Il-kumpanija Pirelli ser tkun qiegħda tibda b’riċerka bażika fuq dawn l-18-inch tyres, u għaldaqstant timijiet żgħar mhumiex mistennija li jipprovdu l-karozzi tagħhom f’dan l-istadju minħabba l-ispejjeż kbar involuti. Xorta waħda, Mario Isola qiegħed jittama li għallinqas ikun hemm seba’ timijiet li jipprovdu karozza għall-ittestjar u dan sabiex il-Pirelli jkollhom kampjuni li jkunu jistgħu jkomplu jibnu fuqhom, bi preparament għall-2021.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Formula 1

Lewis Hamilton rebaħ is-sitt Grand Prix tal-Ingilterra li saret illum f’Silverstone. Hamilton mar quddiem wara ftit laps. Kienet Valterri Bottas li mar fuq quddiem mal-ħruġ tat-tellieqa iżda spiċċa fit-tieni post…

Formula 1

Formula 1: Valtteri Bottas irnexielu jissorprendi lill-favorit Lewis Hamilton sabiex rebaħ il-Pole Position tal-Grand Prix ta’ Silverstone. Bottas fuq Mercedes kellu ħin ta’ 0.006 aħjar minn Hamilton li se jibda…

Formula 1

Iċ-ċirkwit ta’ Silverstone se jibqa’ parti mill-kalendarju tal-Formula 1 għal mill-inqas ħames snin oħra. Dan wara li l-Formula 1 uffiċjalment ħabbru li kien intlaħaq dan il-ftehim. Iċ-ċirkwit kien fid-dubju jkunx…

Formula 1

Il-Grand Prix ta’ Silverstone ser jibqa’ jsir għall-ħames snin li ġejjin. Din l-aħbar ingħatat mill-Formula 1 wara li ntlaħaq qbil dwar pakkett finanzjarju sabiex tibqa’ ssir it-tellieqa fl-Ingilterra. Sentejn ilu…

Aktar