Formula 1
Formula 1: Hamilton b’tifħir għas-sewwieqa żgħażagħ

Iċ-Champion tad-Dinja tal-Formula 1 Lewis Hamilton qiegħed jagħmel minn kollox sabiex jibqa’ kemm jista’ jkun kompetittiv fl-istaġuni li ġejjin. Dan wara li l-bieraħ fil-Grand Prix tal-Brażil il-podium kien iddominat minn sewwieqa li għandhom 25 sena jew inqas.

L-Ingliż ta’ 34 sena qiegħed jirrealizza li bħalissa fil-Fromula 1 hemm mewġa ta’ demm żagħżugħ li jawgura tajjeb għas-snin li ġejjin. F’waħda mill-isbaħ tlielaq ta’ dan l-istaġun, Hamilton spiċċa fis-seba’ post wara li kien ippenalizzat ħames sekondi f’inċident li kellu mas-sewwieq ta’ Red Bull Alexander Albon. Hamilton kompla billi faħħar lis-sewwieqa żgħażagħ fosthom lir-rebbieħ tal-bieraħ Max Verstappen li fi kliem Hamilton stess dejjem kien mas-sewwieqa fil-ġlieda għar-rebħ tal-kampjonat. Ir-rebbieħ ta’ sitt kampjonati żied it-tifħir tiegħu lejn is-sewwieqa Alexander Albon u Pierre Gasly.

Albon kellu staġun pożittiv fejn f’nofs staġun bidel it-tim fejn minn mat-Toro Rosso huwa inaqgħad mar-Red Bull u kien fil-qrib li jikseb għall-ewwel darba post fuq l-podium iżda sfortunatament spiċċa fl-erbatax -il post wara inċident ma’ Lewis Hamilton. Is-sewwieq tat-Toro Rosso Pierre Gasly spiċċa fit-tieni post wara li rnexxielu jidħol ftit sekondi qabel l-istess Hamilton.

Hamilton temm billi rrikonoxxa li l-istaġun li jmiss mistenni jkun wieħed ferm kompetittiv, bis-sewwieq Ingliż jemmen li se jkun hemm bejn tlieta u erba’ timijiet li se jikkompetu għar-rebħ tat-titlu.

Miktub minn...
TVM Sport
.
Aħbarijiet Oħra
Sports Internazzjonali

Għalkemm ir-Renju Unit jinsab f’lockdown, l-iskateboarder Roxana Howlett xorta rnexxilha tirbaħ titlu nazzjonali fi tmiem il-ġimgħa. L-organizzaturi ta’ Sketaboard England kellhom jikkanċellaw il-kampjonati nazzjonali tal-iskateboarding minħabba l-coronavirus, li kienu validi…

Formula 1

It-tim tal-Mercedes għen sabiex jitfassal apparat li jgħin pazjenti infettati bil-coronavirus sabiex jieħdu nifs aħjar, u b’hekk ma jkollhomx għalfejn jiddaħħlu fit-Taqsima tal-Kura Intensiva. Il-Mercedes ħadmu flimkien m’inġiniera u mediċi…

Olimpijadi TOKYO 2020

Il-Logħob Olimpiku ta’ Tokjo se jibda fit-23 ta’ Lulju tas-sena d-dieħla u jispiċċa fit-8 ta’ Awwissu. Id-deċiżjoni ttieħdet illum mill-Bord Eżekuttiv tal-Kumitat Olimpiku Internazzjonali. Il-Logħob Olimpiku ġie pospost il-ġimgħa li…

Formula 1

Sid-il-kostrutturi ta’ Red Bull, Helmut Marko, daħal f’kontroversja kbira hekk kif f’intervista li ta, ġie kwotat jgħid li s-sewwieqa kollha tiegħu għandhom jimirdu issa biex ikunu b’saħħithom hekk kif jibda…

Aktar