Formula 1
Formula 1: Iffirmat kuntratt ġdid għat-tlielaq f’Silverstone sal-2024

Il-Grand Prix ta’ Silverstone ser jibqa’ jsir għall-ħames snin li ġejjin. Din l-aħbar ingħatat mill-Formula 1 wara li ntlaħaq qbil dwar pakkett finanzjarju sabiex tibqa’ ssir it-tellieqa fl-Ingilterra. Sentejn ilu kien beda jberraq wara li permezz ta’ klawsola fil-kuntratt preżenti, ta’ din is-sena kienet se tkun l-aħħar Grand Prix fuq dan iċ-ċirkwit għalissa. Dan wara li l-British Racing Drivers’ Club (BRDC) li jieħu ħsieb iċ-ċirkwit beda jisħaq li l-kuntratt li kienu ffirmaw ma’ Bernie Ecclestone ma kienx għadu finanzjarment viabbli minħabba l-ispejjeż li ta’ kull sena kienu qegħdin jiżdiedu.

Kien propju f’Silverstone li saret l-ewwel tellieqa tal-Formula 1 lura għall-1950, u wara 69 sena t-tlielaq ser jibqgħu jsiru minn tal-inqas sal-2024. Sal-lum il-ġurnata huma biss l-Ingilterra u l-Italja li staġun wara l-ieħor dejjem kienu parti mill-kampjonat tal-Formula 1. U għalkemm il-kuntratt mal-Italja ser jiskadi, biss diġa’ jidher li hemm qbil fil-prinċipju sabiex isir kuntratt ġdid għaċ-ċirkwit ta’ Monza, bl-attenzjoni issa tintefa’ fuq Spanja, il-Ġermanja u l-Messiku li għad m’għandhomx kuntratti għas-sena d-dieħla.

Fl-istaġun illi ġej ser ikun hemm żewġ ċirkwiti ġodda, tellieqa fit-toroq tal-Vjetnam u l-Grand Prix tal-Olanda f’Zandvoort.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Formula 1

Il-Gvern tal-Awstrija ta l-permess biex isiru t-tlielaq tal-Grand Prix tal-Formula 1 fil-pajjiż f’Lulju li ġej. It-tlielaq huma skedati għal bejn il-5 u t-12 ta’ Lulju u jsiru mingħajr partitarji fiċ-ċirkwit…

Formula 1

Deċiżjoni iebsa dik taċ-Ċirkwit ta’ Zandvoort fl-Olanda hekk kif ittieħdet id-deċiżjoni li l-Grand Prix ta’ din is-sena jkun kanċellat. Oriġinalment bil-kriżi li ġabet magħha l-Pandemija tal-COVID-19, Liberty Media u l-organizaturi…

Formula 1

George Russell rebaħ it-tieni tellieqa virtwali tiegħu meta f’Monaco ħareġ rebbieħ quddiem Esteban Gutierrez u Charles Leclerc. Wara li Russell rebaħ il-pole position fix-xita, it-tellieqa bdiet b’diversi ħbit tal-karozzi, li…

Aktar