Formula 1
Formula 1: Il-Grand Prix tal-Ażerbajġan matul tmiem din il-ġimgħa

Matul tmiem din il-ġimgħa ser issir il-Grand Prix tal-Ażerbajġan, bil-provi matul illum u għada, filwaqt li għada jsiru wkoll il-provi uffiċjali għall-Pole Position. Dan huwa wieħed mill-aktar ċirkwiti veloċi tal-Formula 1, u din ser tkun it-tielet sena li ser isir dan il-Grand Prix fl-Ażerbajġan. Biss din is-sena hija l-ewwel darba li dan il-Grand Prix qiegħed isir f’April, għax fis-sentejn ta’ qabel sar f’Ġunju, xi ħaġa li l-organizzaturi kienu jippreferu, tant li diġa’ bdew diskussjonijiet sabiex it-tellieqa fl-Ażerbajġan terġa’ titmexxa għal nofs is-sena.

Żgur li l-attenzjoni prinċipali ser tkun fuq il-Mercedes u l-Ferrari li wara biss tlett itlielaq diġa’ bdew jinqatgħu għalihom waħedhom fin-naħa ta’ fuq tal-klassifika. Fil-preżent, il-koppja tal-Mercedes ta’ Lewis Hamilton u Valtteri Bottas diġa’ jinsabu fl-ewwel żewġ postijiet tal-klassifika, b’tal-ewwel għandu 68 punt u l-Finlandiż bi 62 punt. Max Verstappen tar-Red Bull jinsab fit-tielet post b’39 punt, filwaqt li Vettel diġa’ jinsab maqtugħ 31 punt minn Hamilton fir-raba’ post.

Fil-klassifika tal-kostrutturi, il-Mercedes għandhom 130 punt, segwiti mill-Ferrari bi 73 punt u fit-tielet post ir-Red Bull b’52 punt.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Formula 1

Iċ-ċirkwiti tar-Red Bull Ring u Silverstone ser jospitaw żewġ Grand Prix meta jibda l-istaġun f’Lulju li ġej. Ir-Red Bull Ring tal-Awstrija ser jospita l-ewwel żewġt itlielaq, ġimgħa wara l-oħra, fil-5…

Formula 1

Il-Gvern tal-Awstrija ta l-permess biex isiru t-tlielaq tal-Grand Prix tal-Formula 1 fil-pajjiż f’Lulju li ġej. It-tlielaq huma skedati għal bejn il-5 u t-12 ta’ Lulju u jsiru mingħajr partitarji fiċ-ċirkwit…

Formula 1

Deċiżjoni iebsa dik taċ-Ċirkwit ta’ Zandvoort fl-Olanda hekk kif ittieħdet id-deċiżjoni li l-Grand Prix ta’ din is-sena jkun kanċellat. Oriġinalment bil-kriżi li ġabet magħha l-Pandemija tal-COVID-19, Liberty Media u l-organizaturi…

Aktar