Formula 1
Formula 1: Il-pole position posposta għall-Ħadd minħabba t-tifun Hagibis

It-tifun Hagibis m’affettwax biss it-Tazza tad-Dinja tar-Rugby imma anke l-Fornula 1. Sa mill-bidu tal-ġimgħa, it-temp kien wieħed mill-aktar fatturi li tkellmu dwaru l-mekkaniċi u s-sewwieqa, u tant li l-Ġimgħa filgħodu ħarġet l-aħbar li t-track ta’ Suzuka mhijiex ser tintuża’ matul il-ġurnata tas-Sibt. Il-provi li kellhom isiru kif ukoll il-pole position ġew posposti għall-ġurnata tal-Ħadd. Dan ifisser li l-pole position ser issir il-Ħadd bejn it-03:00 u l-04:00 (ħin ta’ Malta) filwaqt li fis-07:10 tibda t-tellieqa.

Skont it-tbassir tat-temp jidher li t-tifun Hagibis ser jgħaddi minn fuq iċ-ċirkwit matul il-ġurnata tas-Sibt, u sal-Ħadd huwa mistenni li t-temp ikun ikkalma. It-tielet sessjoni ta’ provi liberi li suppost kellha ssir is-Sibt ġiet ikkanċellata. Din hija t-tielet darba li l-pole position kellha titmexxa għall-ġurnata tat-tellieqa fil-Ġappun, fl-2004 u l-2010. Ir-raġuni dejjem kienet minħabba xi tifun li jkun qed jolqot lill-pajjiż. L-organizzaturi tat-tellieqa appellaw sabiex ħadd ma jersaq qrib iċ-ċirkwit matul il-ġurnata tas-Sibt għaliex ser ikun magħluq għal kulħadd.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Formula 1

Lewis Hamilton żar iċ-ċentru tal-Mercedes-AMG Petronas fl-Ingilterra sabiex jiċċelebra s-sitt kampjonat personali tal-Formula 1 u s-sitt kampjonat konsekuttiv tal-kostrutturi għat-tim tiegħu. Hamilton flimkien ma’ Valtteri Bottas u l-maniġer Toto Wolff…

Formula 1

Nhar il-Ħadd li għadda fil-Grand Prix t’Austin, l-Istati Uniti, Lewis Hamilton rebaħ is-sitt kampjonat tal-Formula 1 fil-karriera tiegħu. Sitt kampjonati li rebaħhom f’perjodu ta’ 11-il sena. Kien fl-2008 meta mal-McLaren…

Formula 1

Il-Brittaniku Lewis Hamilton fuq karozza Mercedes irnexxielu jissiġilla r-rebħ tal-kampjonat 2019 tal-Formula 1 meta fil-Grand Prix tal-Istati Uniti u temm fit-tieni post minkejja li beda t-tellieqa mil-ħames filliera. Dan kien…

Formula 1

Formula 1 – Lewis Hamilton kien l-aktar veloċi fl-ewwel żewġ sessjonijiet tal-provi liberi fil-Grand Prix t’Austin, l-Istati Uniti. Hamilton kien aktar veloċi minn Charles Leclerc tal-Ferrari u Max Verstappen tar-Red…

Aktar