Formula 1
Formula 1: It-tim il-ġdid Racing Point jippreżentaw il-karozza għall-istaġun li ġej

It-tim il-ġdid tal-Formula 1,  Racing Point, ilbieraħ nedew il-karozza l-ġdida għall-istaġun 2019 li ser jibda ftit tal-ġimgħat oħra. It-tim, li sal-istaġun li għadda kien jismu Force India, qegħdin jippruvaw jibdew era ġdida fil-Formula 1, tant li bidlu l-isem tat-tim u anke ngħaqdu mal-isponsor uffiċjali SportPesa.

Għalkemm b’isem ġdid, il-kulur tal-karozza pjuttost inżamm simili ħafna ta’ kif kien is-sena li għaddiet, bir-roża jgħajjat jispikka fuq kull kulur ieħor, biss din id-darba hemm ukoll il-kulur blu minħabba l-isponsor li ngħaqdu miegħu matul ix-xhur tax-xitwa.

Jidher li l-karozza li ser tinstaq fl-istaġun li ġej għadha qiegħda tiġi mibnija qabel ma’ jibdew l-ewwel testijiet fuq iċ-ċirkwit ta’ Katalunja, f’Barcelona erbat ijiem oħra. It-tnedija tal-karozza saret fil-Kanada, fil-pajjiż minn fejn hu mwieled il-biljunarju Lawrence Stroll li jiġi missier Lance Stroll li ser ikun wieħed mis-sewwieqa ta’ dan it-tim ġdid.

Fl-istess tim ser ikun hemm is-sewwieq Messikan Sergio Perez, bl-għan tat-tim huwa li f’dan l-ewwel staġun jirnexxilhom jiksbu l-punti fil-Formula 1 sabiex fl-istaġuni li ġejjin ikunu jistgħu jkomplu jibnu s-suċċessi bil-mod il-mod.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Formula 1

Is-sewwieq tal-Ferrari Sebastien Vettel jidher li qiegħed jinnegozja ma’ Aston Martin skont rapporti li ħerġin mill-media Ġermaniża. Vettel qiegħed itellaq l-aħħar staġun mal-Ferrari u s’issa xejn ma kellu riżultati pożittivi…

Formula 1

Lewis Hamilton rebaħ it-tieni Grand Prix tal-istaġun f’dominju assolut meta telaq mill-Pole Position u baqa’ fl-ewwel post sal-aħħar. Hamilton għamel ħin ta’ 1.22.50.683. It-tieni Grand Prix tal-istaġun saret fiċ-ċirkwit Red…

Formula 1

Formula 1: Illum saret is-sessjoni ta’ kwalifikazzjoni tat-tieni Grand Prix tal-istaġun 2020 fuq iċ-ċirkwit Red Bull Ring tal-Awstrija l-istess ċirkwit li fuqu sar l-ewwel Grand prix tal-istaġun il-ġimgħa l-oħra bid-differenza…

Formula 1

Il-Formula 1 ħabbru li t-tappi tal-Italja u r-Russja ddaħħlu fil-kalendarju ta’ din is-sena. Iċ-ċirkwiti ta’ Mugello u Sochi se jkun qed jinstaq Grand Prix fihom. F’Mugello, il-Grand Prix se ssir…

Aktar