Formula 1
Formula 1: Jitħabbru r-regolamenti l-ġodda għall-istaġun 2021

Il-mument li ħafna partitarji tal-Formula 1 kienu qed jistennew, issa wasal. Ħarġu r-regolamenti li huma mistennija jibdlu l-Formula 1 minn kif nafuh illum, mill-2021 ‘il quddiem. Wara aktar minn sentejn ta’ ħidma fuq analiżi dettaljata fuq dan l-isport, kemm fuq it-track u barra minnha, l-FIA u l-Formula 1 ikkonfermaw ir-regolamenti l-ġodda li ser jidħlu fis-seħħ mill-2021.

Ir-regolamenti kienu ppreżentati matul il-ġurnata tal-Ħamis fiċ-ċirkwit t’Austin, l-Istati Uniti miċ-Chairman u s-CEO tal-Formula 1 Chase Carey, flimkien mal-President tal-FIA Jean Todt. Ir-regolamenti huma maħsuba sabiex jippromwovu aktar sfidi fuq iċ-ċirkwit, b’kompetizzjoni aktar bilanċjata, filwaqt li bħala sport il-Formula 1 isir aktar sostenibbli ekonomikament u sportivament.

Mis-sena 2021 huwa mistenni li fil-Formula 1 naraw:

  • Karozzi li jkunu aktar kompetittivi fuq iċ-ċirkwit;
  • Kompetizzjoni aktar bilanċjata matul it-tellieqa;
  • Sport li s-suċċess fih ikun aktar determinat minn kemm it-tim jonfoq il-flus bilgħaqal aktar milli kemm jonfoq, u dan għaliex għall-ewwel darba tim mhux ser ikun jista’ jonfoq aktar minn $175 miljun fi staġun wieħed;
  • Sport li ekonomikament ikun aħjar għal dawk li diġa’ qegħdin jipparteċipaw u għal timijiet ġodda li jkunu jridu jibdew l-isfida fil-Formula 1;
  • Sport li jibqa’ fuq quddiem fid-dinja tal-motor racing, u jkun il-pjattaforma prinċipali f’teknoloġiji ġodda.

Ir-regolamenti l-ġodda kienu approvati unanimament, bit-tama li l-isport ikompli jikber u jissaħħaħ. Waħda mill-inizjattivi importanti hija dik favur l-ambjent, fejn fil-ġimgħat li ġejjin ser ikunu varati pjanijiet ġodda kif ser ikompli jitnaqqas l-impatt ambjentali, bil-ħsieb li fis-snin li ġejjin dan jiġi eliminat.

Tista’ tara r-regolamenti l-ġodda f’aktar dettall f’dan il-video:

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Formula 1

Formula Wieħed, il-Finlandiż Kimi Raikkonen bil-karozza Alfa Romeo C39 fuq quddiem bl-aħjar ħin fit-tieni jum ta’ testijiet ta’ qabel l-istaġun f’Barcelona bl-aktar dawra veloċi f’minuta, sbatax punt żero disgħa wieħed…

Formula 1

Il-kostrutturi Williams nhedew il-karozza l-ġdida tagħhom hekk kif l-ex champions tad-dinja se jkunu qed jippruvaw jagħmlu qabża fil-kwalità wara l-aħħar staġun fallimentari li kellhom li fih spiċċaw fl-aħħar post. It-tim…

Formula 1

Il-Ferrari żvelaw il-karozza l-ġdida tagħhom għall-istaġun li ġej bl-isem ta’ SF 1000. Iċ-ċermonja saret fit-Teatro Valli, f’Reggio Emilia u bdiet b’diskors minn Louis Camilleri, Kap Eżekuttiv tal-Ferrari. Il-Ferrari se jkunu…

Formula 1

L-Awtoritajiet tal-isport f’Shanghai rrikomandaw is-sospensjoni tal-attivitajiet sportivi kollha tal-pajjiż minħabba l-marda tal-coronavirus. L-awtoritajiet komplew jitfgħu aktar dubji dwar il-Grand Prix fiċ-Ċina u jekk jaqbilx li ssir jew le. Ir-raba’ Grand…

Aktar