Formula 1
Formula 1: Leclerc u Vettel ser jitħallew jikkompetu kontra xulxin

Il-prinċipal tal-Ferrari Mattia Binotto stqarr li Charles Leclerc u Sebastian Vettel se jittħallew jikkompetu bejniethom fl-istaġun li ġej, l-istess mod kif spiċċaw dan l-istaġun.

Binotto ddeskriva l-istaġun li kellu Leclerc bħala wieħed eċċellenti u li fl-istaġun li ġej ser jitħalla liberu sabiex jikkompeti kontra Vettel. Fl-ewwel staġun tiegħu bħala t-tieni sewwieq tal-Ferrari Leclerc irnexxielu jispiċċa qabel Vettel fil-klassifika finali tas-sewwiqa.

Fil-bidu tal-istaġun Binotto qal li f’sitwazzjonijiet 50-50 Vettel kien se jingħata prijorita’ minħabba l-esperjenza li kellu iżda din is-sitwazzjoni nbidlet matul l-istaġun. Fi tmiem it-tellieqa f’Abu Dhabi fejn għal darb’oħra Leclerc spiċċa fuq il-podium, il-prinċipal tal-Ferrari tkellem kif fil-bidu tal-istaġun l-Ferrari kellhom sewwieq ġdid għall-Formula 1 u ieħor bl-eperjenza. Binotto li b’hekk temm l-ewwel staġun tiegħu f’Maranello faħħar lil Leclerc u ammetta li ssorperenda lil kulħadd bl-abbiltajitet tiegħu bħala sewwieq tal-Formula 1.

Minkejja li l-istaġun ta’ Ferrari jista’ jitiqies bħala wieħed pożittiv meta mqabbel ma’ staġuni preċedenti, Binotto kompla li t-tim wettaq xi żbalji li swewh qares f’xi tlielaq. Il-Ferrari mistennija jużaw dan il-perjodu sabiex itejbu l-karozza tagħhom biex tkun aktar kompetittiva għall-istaġun li ġej

Miktub minn...
TVM Sport
.
Aħbarijiet Oħra
Formula 1

Mattia Binotto qal li għadu kmieni wisq biex wieħed jgħid jekk Lewis Hamilton huwiex ser ikun mal-Ferrari fl-2021. Jidher li wara l-aħħar tellieqa tal-istaġun 2019 f’Abu Dhabi, id-diskors kien kollu…

Formula 1

Is-sitt darbiet champion tad-dinja Lewis Hamilton għalaq staġun mill-aqwa meta mingħajr wisq problema rebaħ il-Grand Prix tal-lum li saret f’Abu Dhabi. Din kienet il-250 Grand Prix ta’ Hamilton. Is-sewwieq ta’…

Formula 1

Matul tmien din il-ġimgħa ser isir l-aħħar Grand Prix tal-2019 f’Abu Dhabi. Il-kampjonat diġa’ ntrebaħ minn Lewis Hamilton tal-Mercedes, u Valtteri Bottas huwa ċert li ser jispiċċa fit-tieni post. It-taqtiegħa…

Formula 1

Iċ-Champion tad-Dinja tal-Formula 1 Lewis Hamilton qiegħed jagħmel minn kollox sabiex jibqa’ kemm jista’ jkun kompetittiv fl-istaġuni li ġejjin. Dan wara li l-bieraħ fil-Grand Prix tal-Brażil il-podium kien iddominat minn…

Aktar