Formula 1
Formula 1: Lewis Hamilton jirbaħ l-aħħar Grand Prix tal-istaġun f’Abu Dhabi

Is-sitt darbiet champion tad-dinja Lewis Hamilton għalaq staġun mill-aqwa meta mingħajr wisq problema rebaħ il-Grand Prix tal-lum li saret f’Abu Dhabi.

Din kienet il-250 Grand Prix ta’ Hamilton.

Is-sewwieq ta’ 34 sena telaq mill-ewwel post u baqa’ konsistenti fl-ewwel post sal-aħħar.

Is-sewwieq ta’ Red Bull, l-Olandiż Max Verstappen daħal fit-tieni post, 16.7 sekondi wara l-Ingliż.

Charles leclerc ta’ Ferrari daħal fit-tielet post iżda jinsab fil-periklu li jiġi skwalifikat minħabba rregolarità li wettaq.

Valtteri Bottas daħal fir-raba’ post fuq Mercedes, b’Sebastian Vettel fil-ħames post.

Din kienet l-84 rebħa fil-karriera ta’ Hamilton u l-11-il waħda tal-istaġun.

Miktub minn...
TVM Sport