Formula 1
Formula 1: Lewis Hamilton mistenni jkun sewwieq tal-Ferrari fl-2021

Mattia Binotto qal li għadu kmieni wisq biex wieħed jgħid jekk Lewis Hamilton huwiex ser ikun mal-Ferrari fl-2021. Jidher li wara l-aħħar tellieqa tal-istaġun 2019 f’Abu Dhabi, id-diskors kien kollu dwar jekk Hamilton hux ser jagħmel staġun ieħor mal-Mercedes imbagħad imur mal-Ferrari.

Jidher li Lewis Hamilton ma ċaħadx li fl-aħħar jiem iltaqa’ maċ-chairman tal-Ferrari John Elkann dwar din il-possibbiltà. Meta mistoqsi dwar dan, Hamilton qal li mhux se joqgħod jitkellem dwar dak li jseħħ wara l-bibien magħluqa. Il-ħsieb li Hamilton jista’ jingħaqad mal-Ferrari qiegħed ikompli jikber għaliex Vettel wasal għall-aħħar sena tal-kuntratt mal-iscuderia, u t-tim Taljan qiegħed jikkunsidra bis-serjetà li għall-istaġun tal-2021 ikollu lil Leclerc u Hamilton bħala sewwieqa.

Għal Leclerc, il-fatt li jista’ jkun fl-istess tim ma’ Hamilton mhijiex tinkwetah, għax skontu tgħallem ħafna mingħand Vettel matul dan l-istaġun. Forsi huwa minnu li għadu kmieni biex wieħed jispekula jekk Hamilton hux se jkun mal-Ferrari jew le fl-2021, imma Toto Wolff diġa’ qal lil La Gazzetta dello Sport li probabbilment hemm 75% ċans li l-Brittaniku jkun mat-tim Taljan wara li jintemm l-istaġun li ġej.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Formula 1

Ritorn mill-isbaħ għall-Formula 1 fil-Gand Prix inawgurali tal-Awstrija wara li l-ewwel Grand Prix oriġinalment fil-kalendarju kellhom jkunu kanċellati jew posposti. Il-Ħadd wara nofsinhar spettaklu ta’ sewqan u emozzjonijiet sal-aħħar lap,…

Formula 1

L-erba’ darbiet champion tad-dinja tal-Formula 1 Sebastian Vettel irrikonoxxha li l-karriera tiegħu se tintemm hekk kif jintemm l-istaġun. Il-Ġermaniż se jkun qed isuq għall-aħħar sena mal-Ferrari bis-sewwieq Carlos Sainz li…

Formula 1

Hekk kif fi tmiem il-ġimgħa jibda l-istaġun tal-Formula 1, is-sewwieqa jidher li qed jiftehmu bejniethom dwar x’tip ta’ azzjoni għandhom jagħmlu biex jibgħatu messaġġ kontra r-razziżmu. Is-sewwieq tal-McLaren Lando Norris…

Formula 1

Fil-Formula 1 kollox lest sabiex sa fl-aħħar jiżannżu l-magni dan l-istaġun bil-ftuħ tal-kampjonat 2020. Fi tmiem il-ġimgħa jsir l-ewwel Grand Prix fl-Awstrija fir-Red Bull Ring li se jkun qed jospita…

Aktar