Formula 1
Formula 1: Toto Wolff jista’ jitlaq lill-Mercedes fl-aħħar tal-istaġun

Għalkemm l-istaġun tal-Formula 1 kellu jiġi pospost minħabba l-imxija tal-coronavirus, mhux l-istess jista’ jingħad għall-ispekulazzjoni li qiegħda ddawwar ċertu timijiet u sewwieqa f’dan il-mument. Ftit jiem qabel ma ntemm l-istaġun 2019, kienu diġà bdew iduru x-xnigħat li l-kampjonat  2020 kien ser ikun l-aħħar wieħed ta’ Lewis Hamilton mal-Mercedes, bid-destinazzjoni l-ġdida tista’ tkun Maranello. Il-Brittaniku dejjem qata’ l-għatx bil-perżut meta kien hemm min prova jistaqsih dwar il-futur tiegħu, imma kien ta x’jifhem li hu lest jibqa’ mal-Mercedes jekk kemm-il darba Toto Wolff jibqa’ jmexxi lit-tim.

Skont Bernie Ecclestone, dan ser ikun l-aħħar staġun ta’ Toto Wolff mal-Mercedes għaliex mis-sena 2021 huwa ser jingħaqad mat-tim t’Aston Martin bħala CEO. Jekk din l-aħbar żvelata minn Ecclestone hija minnha, allura fil-verità dan jista’ jkun l-aħħar staġun għal Hamilton fuq il-Mercedes. L-istaġun 2020 mhux ser jibda qabel nofs Ġunju wara li fl-aħħar jiem ġie pospost ukoll il-Grand Prix tal-Ażerbajġan li kellu jsir fis-7 ta’ Ġunju.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Formula 1

Is-sewwieq tal-Ferrari Sebastien Vettel jidher li qiegħed jinnegozja ma’ Aston Martin skont rapporti li ħerġin mill-media Ġermaniża. Vettel qiegħed itellaq l-aħħar staġun mal-Ferrari u s’issa xejn ma kellu riżultati pożittivi…

Formula 1

Lewis Hamilton rebaħ it-tieni Grand Prix tal-istaġun f’dominju assolut meta telaq mill-Pole Position u baqa’ fl-ewwel post sal-aħħar. Hamilton għamel ħin ta’ 1.22.50.683. It-tieni Grand Prix tal-istaġun saret fiċ-ċirkwit Red…

Formula 1

Formula 1: Illum saret is-sessjoni ta’ kwalifikazzjoni tat-tieni Grand Prix tal-istaġun 2020 fuq iċ-ċirkwit Red Bull Ring tal-Awstrija l-istess ċirkwit li fuqu sar l-ewwel Grand prix tal-istaġun il-ġimgħa l-oħra bid-differenza…

Formula 1

Il-Formula 1 ħabbru li t-tappi tal-Italja u r-Russja ddaħħlu fil-kalendarju ta’ din is-sena. Iċ-ċirkwiti ta’ Mugello u Sochi se jkun qed jinstaq Grand Prix fihom. F’Mugello, il-Grand Prix se ssir…

Aktar