Formula 1
Formula 1: Valtteri Bottas jitlef l-isponsor personali tiegħu minħabba riżultati xejn sodisfaċenti u għax il-Formula 1 saret ‘għolja wisq’

Is-sena 2019 ma tantx bdiet bit-tajjeb għal Valtteri Bottas għaliex tilef l-isponsor ewlieni tiegħu Wihuri. Dan l-isponsor, immexxi mill-biljunarju Finalndiż Antti Aarnio-Wihuri ser jieqaf milli jissapportja lil Valtteri Bottas minħabba li l-Formula 1 saret tiswa wisq flus. Biss jidher li din mhijiex l-unika raġuni għaliex Aarnio-Wihuri qiegħed jiddeċiedi li jwaqqaf l-isponsor tiegħu lill-kompatrijott Finlandiż, imma hemm ukoll ir-raġuni li Bottas ma ġabx ir-riżultati mistennija fl-2018.

Skont Aarnio-Wihuri, għalkemm il-fatt li ser jitlef dan l-isponsor mhuwiex kollu tort tiegħu, Bottas xorta għandu parti mit-tort għaliex lejn tmiem l-istaġun xorta waħda deher dgħajjef, anke meta Hamilton kien diġa’ ċert li rebaħ il-ħames kampjonat tal-Formula 1 fil-karriera tiegħu. Min-naħa tiegħu, is-sewwieq Valtteri Bottas ilmenta li mhuwiex faċli li tkun fl-istess tim ma’ Lewis Hamilton, għaliex hija ovvja li l-attenzjoni ser tintefa’ fuq il-Brittaniku. L-isponsor Wihuri kien ilu jissapportja lil Bottas sa mill-bidu tal-karriera tiegħu.

Il-maniġer ta’ Valtteri Bottas, Ville Ahtiainen qal li għalkemm tilef dan l-isponsor, dan mhuwiex it-tmiem għall-Finlandiż ta’ 29 sena, u jinsab konvint li fi ftit ġimgħat jirnexxilhom iħabbru sponsor ġdid għal dan is-sewwieq tal-Mercedes.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Formula 1

Il-Brittaniku Lewis Hamilton ser ikun qiegħed jassisti lill-mekkaniċi matul dawn il-ħmistax sabiex jgħinhom jinvestigaw x’mar ħażin fl-ewwel tellieqa ta’ dan l-istaġun fl-Awstralja. Il-ħames darbiet ċampjin tad-dinja kien l-aħjar matul il-provi…

Sports Internazzjonali

Il-Finlandiż Valteri Bottas rebaħ l-ewwel tiġrija tal-Grand Prix 2019 li saret dalgħodu f’Melbourne, l-Awstralja. Tiġrija li rat id-dominju tal-Mercedes hekk kif il-Brittaniku u Champion renjanti Lewis Hamilton spiċċa t-tieni. Max…

Formula 1

Dalgħodu fiċ-ċirkwit ta’ Melbourne, l-Awstralja saru l-provi uffiċjali tal-ewwel tiġrija tal-istaġun mll-Kampjonat tal-Formula 1 2019. Ser ikun iċ-Champion Lewis Hamilton li fuq Mercedes jibda mill-pole position. Fit-tieni post ikklasifika sieħbu…

Formula 1

Tħabbret il-mewt ta’ Charlie Whiting, id-direttur tat-tlielaq tal-Formula 1. Whiting, li kien popolari ħafna f’dan l-isport, miet fl-età ta’ 66 sena, b’kumplikazzjonijiet fil-pulmun. Il-Brittaniku, li beda l-karriera tiegħu mat-tim tal-Hesketh…

Aktar