Formula 1
Formula 3 – Is-sewwieqa Sophia Floersh tgħoddha b’waħda fil-GP ta’ Macau

Is-sewwieqa Ġermaniza tal-Formula 3, Sophia Floersch, weġġgħet serjament ix-xewka ta’ dahrha wara inċident ikrah waqt il-Grand Prix famuż ta’ Macau. Is-sewwieqa tat-tim Van Amersfoort, tilfet il-kontroll tal-karozza hi u diehla f’lijwa u spiċċat kontra ħajt b’veloċità sostnuta, liema ħajt solitament jintasbu il-fotografi biex jiġbdu r-ritratti tal-protagonisti.

Fl-inċident hija baqgħet dieħla fis-sewwieq Ġappuniż Sho Tsuboi, li jidher li qed isofri minn uġigħ f’dahru kawża tad-daqqa li qala’. L-organizzaturi tat-tellieqa kkonfermaw li żewġ fotografi u anke marshaller ittieħdu l-isptar għall-kura kawża tal-inċident.

Permezz ta’ tweet, is-sewwieqa Floersch qalet li hija tinsab f’kundizzjoni stabbli, biss dalgħodu ser tiġi operata f’dahrha minħabba xi ksur fix-xewka ta’ dahrha.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Formula 1

Lewis Hamilton kiseb rebħa oħra biex kompla jsaħħaħ l-ewwel post fil-klassifika tal-Formula 1, liema rebħa fiċ-ċirkwit ta’ Monaco huwa ddedika liċ-Chairman mhux eżekuttiv tal-Mercedes Niki Lauda, li miet nhar it-Tnejn…

Formula 1

Lewis Hamilton se jibda mill-pole għall-Grand Prix tal-F1 f’Monaco llum wara li għeleb lil sieħbu tal-Mercedes b’0.086 ta’ sekonda fl-aħħar dawra tal-kwalifiki. Mit-tielet post jitlaq Max Verstappen fuq Red Bull,…

Formula 1

Fi tmiem din il-ġimgħa jsir il-Grand Prix ta’ Monaco fejn huwa mistenni li ser tingħata tislima xierqa mill-organizzaturi u s-sewwieqa lill-ex champion Niki Lauda li ħalla din id-dinja f’din l-istess…

Formula 1

Tħabbret il-mewt tal-ex sewwieq tal-Formula 1 Niki Lauda. Huwa miet fl-età ta’ 70 sena, xhur wara li sarlu trapjant tal-pulmun f’Awwissu tas-sena l-oħra. L-aħbar ħarġet ftit tas-sigħat ilu mit-tim tal-McLaren,…

Aktar