Futbol lokali
Futbol f’Għawdex: Rebħa għal Għajnsielem u Kerċem Ajax

Fi tmiem il-ġimgħa f’Għawdex saru żewġ logħbiet oħra mill-ħdax-il ġurnata fejn Xewkija Tigers ġarbu t-tieni telfa konsekuttiva fil-kampjonat kontra Għajnsielem bi skor ta’ 2-0 u kkomprometew il-possibilità li jibqgħu jisfidaw mat-timijiet ta’ quddiem għar-rebħ tal-kampjonat.
Għajnsielem dehru ferm aktar organizzati fil-logħob tagħhom u fetħu l-iskor fl-14-il minuta permezz ta’ konklużjoni mill-viċin ta’ Ali Oularbi wara azzjoni ta’ korner. Xewkija kienu konfużi fir-reazjoni tagħhom u erratiċi fil-konklużjonijiet. Għajnsielem prattikament aċċertaw mir-rebħa bit-tieni gowl li wasal fl-64 minuta minn Luis Andre De Melo Lima wara azzjoni xi ftit twila quddiem il-lasti ta’ Xewkija.

Fit-tieni partita, Kerċem dawru telfa f’rebħa u għelbu lil Għarb Rangers bi skor ta’ 5-4. Għarb dehru resqin lejn rebħa faċli matul l-ewwel nofs siegħa tal-partita. Huma fetħu l-iskor fit-tmien minuta b’gowl ta’ Marcelo Barbosa. Għarb irdupjaw b’gowl ieħor ta’ Marcelo Barbosa li wasal fl-24 minuta u żiedu l-vantaġġ b’gowl ta’ Michael Bezzina fit-33 minuta. Kerċem irkupraw minn fażi diffiċli u kisbu d-draw b’gowls li waslu permezz ta’ Andrew Mizzi fit-38 minuta, penalty tad-debutant Daniel Chayes Flores fil-41 minuta u Nathaniel Mercieca fl-ewwel minuta tal-ħin miżjud qabel intemmet l-ewwel taqsima. Marcelo Barbosa skurja r-raba’ gowl fit-tielet minuta logħob tat-tieni taqsima b’konklużjoni ta’ Borja Polo Longarela. Kerċem ma kienux demoralizati u l-ewwel kisbu d-draw b’gowl ta’ Andrew Mizzi fis-57 minuta u sitt minuti wara dawwru r-riżultat favur tagħhom b’gowl ta’ Alen Haska wara azzjoni personali.

Klassifika GFA BOV Gozo Football League – L-ewwel diviżjoni
Lagħbu Punti
Victoria Hotspurs                     10 28
Nadur Youngsters                    10 24
Xewkija Tigers                           11 21
Kerċem Ajax                               11 16
Għarb Rangers                          11 11
Għajnsielem FC                        11 10
Oratory Youths                         10 6
SK Victoria Wanderers           10 4

Miktub minn...
Mark Attard
Ġurnalist ta' TVM Sport. Isegwi l-Isport lokali u internazzjonali. Isegwi u jirraporta l-football lokali u internazzjonali. Jippreżenta l-programmi UEFA Europa League Highlights u UEFA Champions League Highlights.
Aħbarijiet Oħra
Futbol lokali

Tħejjija ntensiva anke għat-team nazzjonali ta’ taħt id-19-il sena li minn nhar l-Erbgħa li ġej huwa mpenjat f’tournament ta’ kwalifikazzjoni għall-kampjonat UEFA Euro Under 19 fi grupp li fih ukoll…

Futbol lokali

Wara l-għaxar ġurnata tal-Kampjonat BOV Premier fi tmiem il-ġimgħa it-tim nazzjonali tal-futbol it-Tnejn filgħaxija kellu l-ewwel sessjoni ta’ taħriġ għall-iskwadra msejħa mill-coach Ray Farrugia bi tħejjija għall-konfront doppju home ta’ Malta…

Futbol lokali

Massimiliano Allegri rebaħ l-unur tal-aqwa kowċ tal-istaġun li għadda, f’avveniment li sar dalgħodu. Il-kowċ ta’ Juventus ġab 17-il vot u kien segwit minn Maurizio Sarri, ex kowċ ta’ Napoli u…

Futbol lokali

It-tim nazzjonali Malti ta’ taħt id-19-il sena jilgħab it-tournament ta’ kwalifikazzjoni għall-Kampjonat Ewropej fil-jiem li ġejjin fis-Centenary Stadium f’Ta’ Qali. Il-partiti jibdew l-Erbgħa u Malta tilgħab l-ewwel partita fil-11.00am kontra…

Aktar