Futbol lokali
Futbol f’Għawdex: Victoria Hotspurs viċin it-titlu

Futbol f’Għawdex: GFA BOV Gozo Football League tal-Ewwel Dviżjoni, partiti li ntlagħbu fil-Gozo Stadium.

Victoria Hotspurs jinsabu ferm viċin li jsiru matematikament champions tal-futbol Għawdxi wara li fi tmiem il-ġimgħa huma irreġistraw il-ħmistax-il rebħa tal-istaġun kontra Kerċem Ajax bi skor ta’ 5-0 biex kabru l-vantaġġ f’ras il-klassifika bi 12-il punt. Il-Hotspurs iserħu rashom mit-tlett punti b’żewġ gowls skurjati fl-ewwel taqsima minn Christian Mercieca fis-7 minuta u l-45 minuta. Fit-tieni taqsima il-Hotspurs aċċertaw mir-rebħa bi tlett gowls oħra li waslu minn Elton Da Silva fis-56 minuta, Emiliano Lattes fil-81 minuta u Galder Domoh Lombas fis-86 minuta.
Referee tal-partita kien Alan Mario Sant.

Nadur Youngsters salvaw punt fl-aħħar tal-logħba kontra Għarb Rangers għal skor finali ta’ 3-3. Għarb fetħu l-iskor fit-22 minuta permezz ta’ Josef Portelli u Nadur kisbu l-gowl ta’ draw tlett minuti wara minn Stanimir Miloskovic. Għarb reġgħu ħadu kmand tal-logħob u skurjaw żewġ gowls oħra qabel il-mistrieħ permezz ta’ Marcelo Barbosa u Ardit Shkjan. Nadur salvaw ir-riżultat b’żewġ gowls lejn it-tmiem permezz ta’ Dewide Dos Santos fl-84 minuta u Stefan Cassar fis-86 minuta.
Referee tal-partita kien Sandro Spiteri.

Oratory Youths dawwru telfa f’rebħa ta’ 5-2 kontra Xewkija Tigers li fetħu l-iskor fit-12-il minuta permezz ta’ konklużjoni mill-viċin ta’ Omar Xuereb. Oratory kisbu l-gowl ta’ draw fil-ħamsa u erbgħin minuta permezz ta’ Gibson Botshelo Mfulwane iżda Xewkija reġgħu marru fil-vantaġġ b’gowl ta’ Daniel Bogdanovic li ssoprenda lid-difiża diretament minn korner. Oratory wettqu reazjoni fl-aħħar fażi tal-partita u dawwru r-riżultat b’żewġ gowls minn Ralph Ebube Okpokwu fil-wieħed u sebgħin minuta u fil-ħamsa u sebgħin minuta. Oratory aċertaw minn din ir-rebħa b’żewġ gowls li waslu lejn tmiem il-partita minn Charles Mercieca fis-sitta u tmenin minuta u gowl ieħor minn Ralph Ebube Okpokwu fid-disgħin minuta.
Referee tal-partita kien Darryl Agius.

Għajnsielem kisbu rebħa ta’ 3-2 fil-logħba kontra SK Victoria Wanderers. Għajnsielem fetħu l-iskor fit-42 minuta permezz ta’ Marco Antonio Morgon Filho, iżda il-Wanderers ħarġu determinati fit-tieni taqsima u dawwru r-riżultat b’gowls minn Ian Xuereb fis-46 minuta u Ryan Grech fl-45 minuta. Għajnsielem irkupraw mill-mument diffiċli u kisbu r-rebħa b’żewġ gowls skurjati fi spazju ta’ żewġ minuti minn Marco Antonio Morgon Filho fil-ħamsa u sebgħin minuta u Alberto Xuereb fis-77 minuta.
Referee tal-partita kien Ryan Caruana.

Il-klassifika tal-kampjonat BOV Gozo Football League tal-ewwel diviżjoni meta kull tim lagħab sittax-il partita, Victoria Hotspurs baqgħu fl-ewwel post b’sitta u erbgħin punt, Nadur Youngsters erbgħa u tletin, Xewkija Tigers tmienja u għoxrin, Kerċem Ajax għoxrin, Għajnsielem tmintax, Għarb Rangers ħmistax, SK Victoria Wanderers ħdax u fl-aħħar post Oratory Youths b’għaxar punti.

Miktub minn...
Mark Attard
Ġurnalist ta' TVM Sport. Isegwi l-Isport lokali u internazzjonali. Isegwi u jirraporta l-football lokali u internazzjonali. Jippreżenta l-programmi UEFA Europa League Highlights u UEFA Champions League Highlights.
Aħbarijiet Oħra
Futbol lokali

KAMPJONAT BOV PREMIER 2018/19 Hibernians…….2 Hamrun Spartans…1 Fis-7 ġurnata tal-kampjonat Premier Hibernians għelbu lil Ħamrun bl-iscore ta’ 2-1  fis-Centenary Staduim. Hibernians kienu ġejjin minn żewġt rebħiet konsekuttiva ma’ St Andrews…

Futbol lokali

KAMPJONAT BOV PREMIER 2018/19 Mosta…..1 Sliema….2 Sliema W jirnexxilhom jegħlbu meritatament lil Mosta 2-1, meta jirnexxilhom jdawru r-riżultat, meta sofrew gowl bikri. Sliema li jkomplu bil-mument ferm pożittiv tagħhom dan…

Futbol lokali

Valletta Stars fetħu l-impenji tagħhom fil-kampjonat tat-Tieni Diviżjoni tal-MAFA bil-kbir meta rreġistraw l-akbar rebħa tal-ġurnata wara li għelbu lil Marsaxokk AFC bl-iskor ta’ 5-2. Qabel dan il-konfront l-Istilel Beltin bdew…

Futbol lokali

Tim nazzjonali Malti ta’ taħt is-17-il sena: Noel Turner, il-kowċ nazzjonali Malti, sejjaħ skwadra ta’ 20 plejer għall-partiti minn Grupp 3 ta’ kwalifikazzjoni għall-kampjonati Ewropej li se jintlagħbu fis-Slovenja bejn…

Aktar