Futbol internazzjonali
Futbol fit-tajn fil-Belarus

Is-Sibt li għadda, diversi persuni ħadu sehem fil-Futbol fit-Tajn fil-villaġġ ta’ Dombrovka fil-Belarus. Din l-attività kienet tifforma parti mill-Festival tal-Baħar li jkun organizzat ta’ kull sena. Il-grawnd kien fih id-daqs ta’ wieħed tal-futsal u kien mifqugħ bl-ilma u mimli tajn, li għamilha aktar diffiċli għall-plejers li jwasslu l-ballun min-naħa għall-oħra.

Il-plejers li ħadu sehem f’dawn il-logħob mhumiex professjonali, u deher ċar li aktar kienu qed jieħdu gost li jilagħbu fis-sitwazzjonijiet li kellhom quddiemhom milli biex verament jirbħu l-logħba.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA