Futbol internazzjonali
Futbol Internazzjonali: Bastian Schweinsteiger jirtira mill-futbol

Il-Ġermaniż Bastian Schweinsteiger ħabbar li qiegħed jiritra mill-futbol wara li ntemm l-istaġun tal-MLS fl-Istati Uniti. Schweinsteiger, li kien parti mit-tim Ġermaniż li rebaħ it-Tazza tad-Dinja fl-2014, għandu 35 sena u f’dawn l-aħħar sentejn lagħab fl-MLS ma’ Chicago Fire.

F’karriera ta’ 17-il sena ta’ futbol professjonali, Bastian Schweinsteiger kien parti mit-tim ta’ Bayern Munich bejn l-2002 u l-2015, fejn magħhom rebaħ 8 darbiet il-Bundesliga, 7 darbiet it-Tazza Ġermaniża kif ukoll il-UEFA Champions League fl-2013. Fl-2015 huwa mexa għall-Ingilterra fejn ingħaqad mat-tim ta’ Manchester United, sakemm fl-2017 mar fl-Istati Uniti ma’ Chicago Fire.

Bastian Schweinsteiger kien ukoll parti integrali mit-tim nazzjonali Ġermaniż, tant li libes il-flokk ta’ pajjiżu 121 darba u skurja 24 gowl. Huwa rebaħ l-għola unur li joffri l-futbol meta rebaħ it-Tazza tad-Dinja ħames snin ilu fil-Brażil, meta l-Ġermanja għelbu lill-Arġentina 1-0 fil-finali.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Futbol internazzjonali

L-attakkant ta’ Porto Moussa Marega ħalla l-grawnd bi protesta wara korijiet razzisti fil-konfront tiegħu waqt il-logħba bejn Vitoria Guimaraes u Porto. L-attakkant ta’ 28 sena mill-Mali rnexxilu jiskorja t-tieni gowl…

Futbol internazzjonali

Tħabbret il-mewt ta’ Herry Gregg, l-ex gowlkiper Irlandiż ta’ Manchester United. Gregg baqa’ jissemma bħala wieħed mill-eroj tat-traġedja tal-ajru ta’ Munich li fiha kien involut it-tim ta’ Manchester United, lura…

Futbol internazzjonali

Manchester City ġew sospizi sentejn milli jikkompetu fil-kompetizzjonijiet Ewropej, UEFA Champions League u UEFA Europa League, għal ksur serju fir-regoli tal-financial fair play. Apparti din is-sospensjoni li tista tiġi appellata,…

Futbol internazzjonali

Tard ilbieraħ filgħaxija, il-President ta’ Juventus Andrea Agnelli u d-Direttur Ġenerali Fabio Paratici, sejħu lill-kowċ Maurizio Sarri biex miegħu jiddiskutu l-futur ta’ Juventus għal kumplament tal-istaġun. Jidher li din il-laqgħa…

Aktar